Gjykata merr vendim ndaj dy personave për kanosje
Autori: Gazeta inFokus 14:11 | 05 April 2021
Gjykata Themelore në Prizren, Departamenti i Përgjithshëm gjyqtari i procedurës – Gani Kastrati, pjesërisht ka arpovuar kërkesën e Prokurorisë Themelore të Prizrenit, për caktimin e masës së paraburgimit ashtu që: Të pandehurit D.H., i është caktuar masa e paraburgimit në kohëzgjatje tridhjetë (30) ditë, e cila do të llogaritet prej kohës së arrestimit 02.04.2021 dhe mund të zgjasë deri më datën 02.05.2021, për shkak të dyshimit të bazuar se ka kryer veprën penale lëndim i rëndë trupor, kurse ndaj të pandehurit L.B., gjyqtari i procedurës ka refuzuar kërkesën për caktim të paraburgimit, dhe ka caktuar masën e arrestit shtëpiak në kohëzgjatje tridhjetë (30) ditë, e cila do të llogaritet prej kohës së arrestimit 02.04.2021, dhe mund të zgjasë deri më datën 02.05.2021, për shkak të dyshimit të bazuar se ka kryer veprën penale kanosje.
Gjykata me rastin e caktimit të paraburgimit ndaj të pandehurit D.H., dhe masën e arrestit shtëpiak ndaj të pandehurit L.B., ka vlerësuar se ekzistojnë arsyet ligjore për caktimin e masës së sigurisë, dhe nga provat e mbledhura deri në këtë fazë, rrjedh dyshimi i bazuar se: I pandehuri L.B., me datë 02 prill në orët e mbrëmjes, në Prizren, seriozisht e kanos personin tjetër me fjalë, vepra apo gjeste se do t’i shkaktojë ndonjë të keqe me qëllim të frikësimit apo shkaktimit të ankthit te personit tjetër – të pandehurit D.B., në atë mënyrë që për shkak të një mosmarrëveshje që kishin para dy jave, i pandehurit L.B., i afrohet te tavolina të pandehurit D.H., dhe i drejtohet me fjalët kërcënuese “çu dil jashtë se t’i derdhi trutë” dhe kishte vendosur dorën në çantën e tij, me ç ’rast të njëjtit i shkakton ankth dhe frikë.
Kurse më datë, kohë dhe vendin e njëjtë, i pandehuri D.H., i shkakton lëndime të rënda trupore dhe përkohësisht ia dëmton shëndetin të pandehurit L.B., në atë mënyrë që pasi që i njëjti i kërcënohet me fjalët e theksuara më lartë, në shenjë revolte e godet me grusht në fytyrë të pandehurin L.B., dhe pas rrëzimit në tokë e godet edhe me shqelma disa herë, me ç ’rast me këto veprime i shkakton lëndime të rënda trupore, të cilat janë konstatuar edhe në raportin mjekësor. Kurse a do të argumentohen këto fakte do të vlerësohet në fazat e mëtejme të procedurës penale.
Lidhur me caktimin e arrestit shtëpiak ndaj të pandehurit L.B., sipas bindjes dhe vlerësimit të gjykatës, do të parandalohet që të kryej ndonjë vepër tjetër penale apo të përsërisë veprën e kryer penale. Gjykata është e mendimit dhe ka ardhur në përfundim se masa e caktuar ndaj të pandehurit do të jetë e mjaftueshme për sigurimin e pranisë së të njëjtit, dhe e mjaftueshme për zhvillimin e mbarëvajtjes së procedurës penale dhe se çdo shkelje e kësaj mase, do të ketë edhe pasoja për të njëjtin dhe ndërrimin e masës me caktimin e paraburgimit.
Kurse, me rastin e caktimit të paraburgimit ndaj të pandehurit D.H., Gjykata ka pasur parasysh peshën e veprës penale, po ashtu, nëse merret parasysh sjellja e mëparshme e të pandehurit D.H., dhe karakteristikat tjera personale të tij, pasi që i njëjti është recidivist, kryerës i mëparshëm i veprave penale të kësaj natyre, por edhe të natyrave më të rënda dhe për të cilat është gjykuar në mënyrë meritore nga ana e kësaj gjykate, shton rrezikun që nëse ndaj tij nuk caktohet paraburgimi, atëherë ai mund ta përsërisë veprën e kryer penale, mund ta përfundoj atë, duke i shkaktuar të dëmtuarit pasoja edhe më të rënda.
Nga të lartë cekurat, Gjykata ka ardhur se masat e caktuara ndaj të pandehurve, janë mëse të arsyeshme dhe të domosdoshme në këtë fazë të procedurës penale, për zbatimin me sukses dhe efektiv të procedurës penale.
Të tjera
-
PDK propozon datën e zgjedhjeve të parakohshme
Partia Demokratike e Kosovës tanimë ka propozuar 9 qershorin, si datë për zgj...
-
25 vjet nga masakra e Izbicës: Muhamet Alidemaj, i vetmi i dyshuar që po gjykohet
Sot bëhen 25 vjet nga masakra e Izbicës, ku më 28 mars 1999, forcat policore ...
-
Konstituohet grupi i punës në Komisionin e Ligjeve
Ditën e sotme është konstituuar grupi i punës në Komisionin e Ligjeve, ku do ...
-
Kurti: Vlerat themeltare të KiE-së i rrinë natyrshëm qeverisjes sonë
Komiteti për Politikë dhe Demokraci i Asamblesë Parlamentare të Këshillit të ...
-
Itali/ Shembet rruga në Romë, gropa e madhe “përpin” 2 makina të parkuara (Pamje)
Diçka e pazakontë ndodhi në orët e para të 28 marsit në Romë të Italisë ku nj...
-
Tërmet i fortë në Itali, alarm edhe në Slloveni e Kroaci
EMSC njoftoi se të mërkurën në mbrëmje, rreth orës 22:19, veriu i Italisë u g...
-
BQK: Dërgesat e mërgatës deri në shkurt arritën në mbi 174 milionë euro
Rreth 88 milionë euro është vlera preliminare e dërgesave të mërgatës që janë...
-
Rritet numri i turistëve të huaj që vizitojnë Kosovën
Numri i turistëve të huaj që vizitojnë Kosovën është duke u rritur dita ditës...
-
Abdixhiku për tenderët njëburimor: Prokuroria Speciale duhet ta bëjë punën e vet, mosveprimi është aprovim i kësaj praktike
Kryetari i LDK’së, Lumir Abdixhiku, ka thënë se një kompani ka marrë tender s...
-
AMMK: Kosova në gjendje të rënduar të cilësisë së ajrit për shkak të pluhurit të Saharës
Agjencioni për Mbrojtjen e Mjedisit të Kosovës, ka dalë me një sqarim mbi sit...
-
“Turp”, Haki Abazi ankohet se që tri vjet s’ka mikrofon në Kuvend
Deputeti Haki Abazi është ankuar për mungesën e mikrofonave sot në Kuvendin e...
-
“Kryerrenc”, “derri dhe qingji”- deputeti i PDK’së i ashpër me Kurtin dhe deputetët e VV’së
Deputeti i PDK-së në Kuvendin e Kosovës, Ardian Kastrati, në seancën e jashtë...