Gjykata Kushtetuese rrezikon të mbetet pa kuorum, Kuvendi pa konsensus për zgjedhjen e dy gjyqtarëve
![](https://gazetainfokus.com/wp-content/uploads/2022/11/gjykata-kushtetuese-1-852x460.jpg)
Autori: Gazeta inFokus
09:44 | 20 November 2022
Kuvendi i Kosovës javën e ardhshme për herë të katërt do të tentojë të zgjedhë dy gjyqtarë në Gjykatën Kushtetuese.
Pas tri dështimeve paraprake, partitë parlamentare sërish nuk kanë konsensus, pavarësisht se potencojnë nevojën që në seancën e 24 nëntorit së paku të zgjedhet njëri prej pesë kandidatëve që janë në garë, në mënyrë që mos të rrezikohet të mbetet pa vendimmarrje Gjykata Kushtetuese.
Megjithatë, partitë opozitare e akuzojnë partinë në pushtet se derisa nuk po gjejnë njerëz të vet për t’i zgjedhur në kushtetuese, qëllimshëm po e dështojnë procesin.
Shefi i grupit parlamentar të PDK-së, Abelard Tahiri, thotë për KosovaPress, se mazhoranca s’ka pasur vullnet për t’i dhënë përkrahje kandidatëve që janë mbi partiak, megjithëse aktualisht Gjykata Kushtetuese funksionon me minimumin e saj për të pasur kuorum.
“Gjykata Kushtetuese tash funksionon me minimumin e saj për të pasur kuorum. Gjatë tërë kësaj periudhe nuk kemi pasur një vullnet nga mazhoranca që të jep një përkrahje të duhur kandidatëve të themi që janë mbi partiak. Normalisht në këtë proces kemi pasur kandidat që janë identifikuar kandidat që janë të lidhur me njërën apo tjetrën parti. Mazhoranca nuk e ka pasur vullnetin që t’i jep mbështetje kandidatëve të duhur që nesër të jenë gjyqtarë në Gjykatën Kushtetuese…Është shumë e rëndësishme që të enjten e javës së ardhshme ky votim mos të dështojë sikur ka dështuar katër herë të tjera. Të kalojë, nëse jo dy gjyqtarë, të paktën të arrijmë konsensusin që të dërgojnë një gjyqtar nga ky proces, pastaj tjetrin të hapim në ditët në vijim”, thotë ai.
Më kritik për këtë proces është deputeti i LDK-së, Driton Selmanaj. Ai thotë për KosovaPress, se tri dështimet e Kuvendit për të zgjedhur dy gjyqtarë në Gjykatën Kushtetuese, janë si rezultat i papërgjegjësisë së deputetëve të mazhorancës dhe faktit që nuk po nuk po arrijnë të gjejnë njerëzit e tyre, siç thotë për të kapur edhe këtë institucion të rëndësishëm kushtetues.
Mirëpo, thekson se tanimë nuk guxohet të lejohet që ky institucion të mbetet pa kuorum, kur dihet se mund të ketë çështje për interpretim kushtetues.
“Tri raundet e para që kanë dështuar kanë ardhur si rezultat i papërgjegjësisë të deputetëve të mazhorancës ose nga fakti se nuk po arrijnë të gjejnë njerëzit e tyre për të kapur edhe këtë institucion të rëndësishëm kushtetues. Dështimi duhet t’i adresohet atyre. Tani në rastin e katërt që e kemi, mendoj se është e domosdoshëm që ne të zgjedhim anëtarët e Gjykatës Kushtetuese, kontekstin e asaj që rrezikohet jo larg që kjo gjykatë të mbetet pa kuorum vendimmarrje. Mendoj se nuk guxojmë dhe as nuk kemi luksin që të lejojmë këtë institucion të rëndësishëm të mbetet pa kuorum, pasi më pas çdo çështje që do të ishte i rëndësishëm për vendin mund të mos adresohet për interpretim kushtetuese nëse eventualisht del ndonjë çështje”, thotë Selmanaj.
Në linjë të njëjtë me këtë proces edhe deputeti i AAK-së, Pal Lekaj.
“Tani kemi njerëz profesionist që në intervistë kanë treguar sukses dhe janë dërguar në Kuvendin e Kosovës, janë pesë anëtarë të propozuar, dy nga ta do të zgjidhen. I takon shumicës parlamentare, në bazë të rregullores së Kuvendit dhe Ligjit për zgjedhjen e anëtarëve të Gjykatës Kushtetuese iu takon deputetëve që të vendosin. Por në bazë të asaj që po shihet, derisa mazhoranca nuk ka njerëz të vet, atëherë po e prishin procesin, nuk po votojnë. Kësisoj kanë prolonguar çështjen që e dëmton mjaft Gjykatën Kushtetuese dhe vendimmarrjen”, thekson Lekaj.
Në anën tjetër, shefja e grupit parlamentar të LVV-së, Mimoza Kusari-Lila, thotë për KosovaPress, se rishpallja e konkursit për procesin e zgjedhjes së dy gjyqtarëve në Gjykatën Kushtetuese nuk ka sjell numër të madh të aplikantëve.
Ajo thotë se mbetet të diskutohet brenda grupit parlamentar se a do të ketë përcaktim të votimit, pasi herëve të kaluara nuk ka pasur votim uniform, por deputetët kanë zgjedhur bindjet e tyre për mbështetje të kandidatëve.
“Nuk është se ri aplikimi ose rishpallja e konkursit ka sjell numër më të madh ose aplikantë më potencial për gjykatës të Gjykatës Kushtetuese. Në disa raste, kemi pasur përsëritje të kandidatëve të njëjtë. Kësaj radhe vetëm dy kandidatë në raundin e parë janë që kanë aplikuar për herë të parë, të gjithë të tjerët kanë qenë të përsëritur. Në fakt nga pesë që i vijnë seancës, katër kanë kaluar në proces më herët. Tash mbetet të shihet si brenda grupeve parlamentare do të merr vendim për mbështetje apo jo të gjykatës të Gjykatës Kushtetuese. Edhe pse në kuadër të tyre nuk është se ka pasur votim uniform, pasi deputetët kanë zgjedhur bindjet e tyre për mbështetje të kandidatëve. Mbetet të kemi prapë diskutime sëbashku nëse do të ketë përcaktim a llogaritet të kemi proces të suksesshëm”, deklaron ajo.
Procesi për emërimin e dy gjyqtarëve në Gjykatën Kushtetuese ka dështuar tri herë radhazi në Kuvend, si mungesë e votave të mjaftueshme në procesin e votimit.
Në seancën e javës së ardhshme kandidatët që do t’i paraqitet Kuvendit për votim janë, Bardh Bokshi, Dukagjin Abdyli, Enver Peci, Flamur Mrasori dhe Valon Hasani./kp/
![](https://gazetainfokus.com/wp-content/uploads/2024/02/Foto-Kryesore.png)
Të tjera
-
Aktakuza për korrupsion, Endrit Shala thotë se nuk është i njoftuar për ngritjen e saj
Prokuroria Speciale e Republikës së Kosovës (PSRK) ka ngritur aktakuzë në Gjy...
-
Begaj i uron Abbottit mandat të suksesshëm në Shqipëri
Presidenti i Shqipërisë, Bajram Begaj, e ka mirëpritur ambasadorin e ri të Mb...
-
Dy orë pritjet në Merdarë
Pritjet për të dalë nga pika kufitare në Merdarë, po zgjasin deri në dy orë, ...
-
Edita Tahiri e godet Macronin: U shit për 12 aeroplanë, u bë edhe alkimist
Ish-kryenegociatorja e Kosovës në dialog me Serbinë, Edita Tahiri e ka kritik...
-
Dogana mbush 25 vjet që nga themelimi, Kurti e vlerëson lart për të arriturat
Dogana e Kosovës ka mbushur plot 25 vite që nga themelimi i saj. Lidhur me...
-
Lajçak: Po e përgatisim takimin e ri të kryenegociatorëve, Serbia s’është tërhequr nga marrëveshja
Emisari i BE-së për dialogun, Miroslav Lajçak, ka thënë se janë duke e përgat...
-
Kurti takoi gratë e Krushës së Vogël në Ditën Ndërkombëtare të Personave të Zhdukur
Në Ditën Ndërkombëtare të Personave të Zhdukur, Kryeministri i Republikës së ...
-
Aktakuzë për korrupsion ndaj dy ish-ministrave
Prokuroria Speciale ka ngritur sot aktakuzë në Gjykatën Themelore në Prishtin...
-
Vetëvendosja në koalicion me Guxo dhe Alternativën, AAK me Nismën e Listën Konservatore
Lëvizja Vetëvendosje do të bëjë koalicion parazgjedhor me partitë Guxo dhe Al...
-
Hargreaves: Për të shëruar plagët e së kaluarës familjet e të zhdukurve duhet të kenë përgjigje
Ambasadori britanik, Jonathan Hargreaves, sot mori pjesë në shënimin e Ditës ...
-
Vrạsje në Shkodër
Qyteti i Shkodrës është tronditur nga një vrasje. Ngjarja e rëndë raporto...
-
Ekzekutohen sot pagat në sektorin publik, Murati: Secili do të përfitojë 6.8 euro më shumë
Ministri i Financave, Hekuran Murati ka thënë se sot do të ekzekutohen pagat ...