Lajme

Gjykata finlandeze e publikon identitetin e të dyshuarit për vrasjen e dy grave

Autori: Gazeta inFokus 11:46 | 28 August 2017

Azilkërkuesi maroken, i cili tha ditë më parë në gjykatë se i vrau dy gra në një sulm me thikë në Finlandë, është identifikuar si Abderrahman Bouanane, sipas dokumenteve ligjore.

Dokumentet e gjykatës po ashtu tregojnë se i dyshuari – i cili më parë u identifikua si Abderrahman Mechkah 18-vjeçar – është në fakt 22-vjeçar, transmeton Express.

Dje, policia finlandeze tha se i dyshuari u kishte dhënë identitet të rrejshëm zyrtarëve kur ishte futur në vend në vitin 2016.

-Advertisement-

Tetë persona u plagosën në sulmin me thikë të 18 gushtit në qytetin jugperëndimor Turku. Rasti po hetohet si sulmi i parë terrorist në Finlandë.

I dyshuari, i cili mbetet në paraburgim, i ka thënë gjykatës se është përgjegjës për sulmin, por ka mohuar se motivi i tij ishte terrorizmi.

Subscribe në YouTube: GAZETA INFOKUSI