Në protestat e 2015-ës u arrestuan 11 veteranë për dëmtim të objektit të Qeverisë.

Ishte forma e vetme për të kërkuar të drejtat që u mungonin.

Të revoltuar me institucionet e heshtura të Kosovës, ish ushtarët e UÇK-së rrëzuan edhe derën e oborrit të Qeverisë së Kosovës e dëmtuan edhe objektin e saj.

Në gusht të 2015 11 veteranë u arrestuan për këtë aryse.

Në aktakuzën e ngritur kundër tyre thuhet se të pandehurit kanë kryer veprën penale Asgjësimin apo dëmtimin e pasurisë nga neni 333 paragrafi 1 i KPRK-së.

Në katër seanca të mbajtura deri më tani ende nuk është shpallur ndonjëvendim për 11 pjesëtarët e OVL-së.

Gjatë ditës së premte ishte seanca e tyre e katërt në Gjykatën Themelore në Prishtinë.

E edhe në këtë seancë nuk u mor një vendim se ç’do bëhet me fatin e tyre.

I pakënaqur nga vendimet e Gjykatës Themelore të Prishtinës, Xhevdet Qeriqi kryetar i OVL-së në Fushë Kosovë thotë se ndaj tyre po bëhet një lojë politike.

Pos kësaj Qeriqi tha se kjo është seanca e fundit në të cilën ai do të marrë pjesë.

Në anën tjetër edhe i pandehuri tjetër Zymer Ahmeti, bashkëluftëtar i Qeriqit, tha se po akuzohet pa drejtë nga gjykata.

Ndërkohë seanca e ardhshme për këtë rast do të mbahet me 14 prill në Gjykatën Themelore të Prishtinës.