Lajme

Gjykata e liroi nga akuza për mashtrim me viza, reagon Milaim Zeka

Autori: Gazeta inFokus 16:33 | 26 April 2022

Ish-deputeti Milaim Zeka ka reaguar pasi Gjykata Themelore e Prishtinës e ka liruar nga akuza për mashtrim me viza.

Zeka ka deklaruar se kurrë gjatë jetës nuk ka përjetuar “torturë më të madhe” se kjo.

Tutje, ai ka falënderuar të gjithë që kanë besuar në pafajësinë e tij.

-Advertisement-

“Pas 5 viteve vuajtje shpirterore, fizike, materiale, morale, sot, Gjykata, nga nje trup gjykues qe vendosin mbi prova, e jo fjale rrugesh, me ka shpalur te pafajshem nga te gjitha pikat e akuzave: mashtrim me viza, shperlarje parash, dhe shmangie nga tatimi! Faleminderit shume te gjithe juve qe besuat ne pafajesine time. Kurrë ne jeten time nuk kam perjetu torture me te madhe se sa kjo e ketyre pese viteve! Faleminderit shume!”, ka shkruar Zeka në Facebook.

Kujtojmë se Gjykata Themelore në Prishtinë ka shpallur aktgjykim lirues ndaj ish-deputetit të Kuvendit të Kosovës, M.Z, dhe dy të akuzuarve, I.K. dhe E.K, për veprat penale “mashtrimi”, “shmangie nga tatimi” dhe “pastrimi i parave”.

Aktgjykimi ndaj tre të akuzuarve u shpall të martën nga gjykatësi Vesel Ismajli.

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme