Lajme

Gjykata e dënon me 400 euro për të shtëna në ahengun familjar

Autori: Gazeta inFokus 14:34 | 07 July 2017

Pas marrëveshjes me prokurorinë për pranimin e fajësisë, Egzon Mjeku është shpallur fajtor nga Gjykata Themelore në Prishtinë, për armëmbajtje pa leje dhe përdorim të armës.

Mjeku u dënua me 400 euro gjobë dhe 6 muaj burgim me kusht, dënimi i cili nuk do të ekzekutohet nëse i pandehuri nuk kryen vepër tjetër penale brenda një viti.

Të njëjtit, do t’i bëhet konfiskimi i përhershëm i armës, me të cilën kishte gjuajtur në një aheng familjar, shkruan Betimi për Drejtësi.

-Advertisement-

Prokurorja Ferdane Sylejmani, lidhur me marrëveshjen për pranimin e fajësisë tha se ajo ishte bërë në prani të palëve dhe mbrojtëses së të akuzuarit, pasi ky i fundit ishte njoftuar për benefitet e pranimit të fajësisë

Sipas aktakuzës, Egzon Mjeku me 1 tetor 2016, në fshatin Shipitullë të Obiliqit, në shtëpinë e tij kishte shtënë me armë në ajër gjatë një ahengu familjar dhe kishte mbajtur në pronësi armën e llojit pushkë AK-47.

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme