Uncategorized

Gjurmë të fosilizuara të dinozaurëve gjenden në Kinën veriore

Autori: Gazeta inFokus 11:30 | 28 May 2023

Në Rajonin Autonom të Mongolisë së Brendshme në Kinën veriore u zbuluan 53 gjurmë të fosilizuara të dinozaurëve, që datojnë rreth 120 milionë vjet më parë.

Gjurmët, me gjatësinë më të madhe 43 centimetra, u gjetën në Rezervatin Natyror Kombëtar të Gjurmëve të Dinozaurëve Otog në qytetin e Ordos, shkruan “China Daily”.

Sipas studiuesit vendas Zhang Lifu, vendndodhja dikur ishte një ligatinë dhe zonë liqenore me bimë të harlisura në periudhën e Kretakut, kur aty jetonin dinozaurët. Ai theksoi se gjurmët e gjetura janë lënë nga dinozaurë mishngrënës.

Rezervati Natyror Kombëtar i Gjurmëve të Dinozaurëve Otog, që mbulon 46.410 hektarë, është i vetmi rezervat natyror kombëtar në Kinë që përmban gjurmë të dinozaurëve. Aty u zbuluan afro 10.000 gjurmë të më shumë se 10 llojeve të lëna nga dinozaurët, së bashku me fosilet e paleovertebrorëve, peshqve, breshkave, krokodilëve, jovertebrorëve etj.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Vera sjellë Magjinë në ETC

Të tjera

Fokusi

uncategorized