Lajme

Gjukanoviq: Në vitin 1999 politikanët e Beogradit donin të na përfshijnë në luftën e tyre private

Autori: Gazeta inFokus 11:06 | 28 Prill 2017

Mali i Zi është në mënyrë të pakthyeshme në rrugën e cilësisë europiane të jetës dhe dëshmi e kësaj është ajo që do të ndodhë në Cetinje, ka thënë ish kryeministri malazez, Milo Gjukanoviq.

Parlamenti i Malit të Zi sot në Cetinje do të vendosë për ratifikimin e anëtarësimit të këtij vendi në NATO. Është e sigurt se për konfirmimin e këtij vendimi do të votojnë 46 deputetë nga gjithsej 81.

Për të konfirmuar vendimin do të kërkohet një shumicë e thjeshtë.

-Advertisement-

“Ne nuk po hyjmë në NATO për të luftuar por është e kundërta. Kur u përpoqën që të na përfshijë në një luftë me tërë botën, si në vitin 1999, ne kemi qenë të menqur dhe thamë se kjo nuk është lufta jonë dhe se kjo është një luftë private për ruajtjen e pozitave të strukturave politike në Beograd. Ne e kundërshtuam një interes të tillë ogurzi. Lufta nuk është interesi ynë. Ne duam të miratojmë sistemin e vlerave evropiane ndërsa vendet evropiane formojnë shtyllën kurrizore të NATO-s”, tha Gjukanoviç në një tubim, raporton agjensia Tanjug.

“Ne mund të jemi të kënaqur, sepse ne kemi treguar qartë se ky brez që jeton në Mal të Zi ka një vizion të qartë, e që është marrja e timonit të së ardhmes tonë në duart tona. Ne kemi bërë rikthimin e shtetësisë së Malit të Zi, por kjo në vetvete nuk është e mjaftueshme. Ne deshëm pavarësinë në mënyrë që ne të drejtojmë timonin e anijes drejt cakut evropian”, tha ai.

Gjukanoviqi tha se Mali i Zi ka bërë një hap mjaft të madh në mënyrë që sot me siguri mund të thuhet se Mali i Zi nuk mund të kthehet prapa.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy