Një vrasje e rëndë ka ndodhur mbrëmjen e djeshme në Vushtrri, shkruan Gazeta Infokus.

Një i ri ka humbur jetën, ndërsa një tjetër është ndaluar si i dyshuar për kryerjen e këtij akti të rëndë kriminal.

Policia e Kosovës ka bërë të ditur se ka arrestuar Bleon Dibranin, 19-vjeçar, si të dyshuar për vrasjen e bashkëmoshatarit të tij, Ardit Zymeri, po ashtu 19-vjeçar, ngjarje kjo që ndodhi të dielën në mbrëmje në qytetin e Vushtrrisë.

-Advertisement-

Zëdhënësi i Policisë për rajonin e Mitrovicës, Avni Zahiti, ka bërë të ditur se gjatë bastisjes në banesën e të dyshuarit është sekuestruar një armë e gjatë dhe pesë fishekë.

“Nga hetimet në vendin e ngjarjes dhe analizat e kryera, hetuesit kanë siguruar tri (3) gëzhoja si dëshmi materiale. I dyshuari B. D., 19 vjeç, është identifikuar dhe arrestuar. Gjatë arrestimit, nga ai është konfiskuar një armë e tipit pistoletë që dyshohet se u përdor në kryerjen e krimit. Gjatë kontrollit në shtëpinë e tij është gjetur dhe konfiskuar edhe një armë e gjatë me pesë (5) fishekë,” tha Zahiti.

Ai shtoi se ngjarja tragjike ka ndodhur rreth orës 20:35.

“Policia ka marrë informacionin për të shtëna me armë zjarri rreth orës 20:35. Ngjarja ka ndodhur në rrugën ‘Galip Badivuku’ në Vushtrri. Nga të dhënat fillestare, bëhet e ditur se viktima, një djalë rreth 19 vjeç, ka ndërruar jetë si pasojë e plagëve të marra nga arma e zjarrit,” ka deklaruar Zahiti.

Për këtë rast ka reaguar edhe kryetari i Komunës së Vushtrrisë, Ferit Idrizi, përmes një telegrami ngushëllimi. Ai ka shprehur tronditjen nga ngjarja dhe ka ngushëlluar familjen e viktimës.

“Sonte, qyteti ynë u trondit nga një ngjarje tragjike, ku një 19-vjeçar humbi jetën në mënyrë të dhimbshme. Në emër të qytetarëve të Vushtrrisë dhe në emrin tim, i shpreh ngushëllimet më të sinqerta familjes Zymeri. Bashkëndjejmë me ta në këtë dhimbje të madhe. Falënderoj Policinë për reagimin e menjëhershëm dhe arrestimin e të dyshuarit. Kemi besim në drejtësi dhe kërkojmë zbardhjen e plotë të rastit, si dhe garantimin e sigurisë për qytetarët tanë,” u shpreh Idrizi.

Policia lëshon njoftim për vrạsjen mbrëmë në Vushtrri

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-