Gjinovci i ik përgjigjes për bullizmin ndaj Kusarit me “nccc” dhe ndalje telefoni – pasojnë reagimet ndaj tij
Autori: Gazeta inFokus 17:34 | 17 June 2023
Derisa Kusari po fliste nëpër media në lidhje me dhunën fizike që dje gazetarët e përjetuan në Leposaviq, Gjinovci, që drejton edhe ORCA-n (Organizata për Rritjen e Cilësisë në Arsim), shpërndau një lajm të saj dhe shkroi: “Çfarë frizure”, pasuar me disa figura duke qeshur.
Ky koment i Gjinovcit u konsiderua bullizëm ndaj pamjes së jashtme të Kusarit, për çka edhe pasuan reagimet e shumta ndaj tij nga gazetarë, politikanë e drejtues mediash.
Klankosova.tv ka provuar ta marrë një sqarim të Gjinovcit për këtë çështje, por ai e ndali telefonin pas pyetjes.
Në pyetjen se “pse e ke bërë një koment të tillë dhe çka ke dashur të thuash”, Gjinovci u përgjigj me cinizëm: “Nccc”, dhe e ndali telefonin.
Më pas, derisa Klankosova.tv po e shkruante artikullin, ai shkroi një postim në FCB, të cilin mund ta gjeni KËTU.
Ish-drejtori i Klan Kosovës, Adriatik Kelmendi, ka thënë se Flutura Kusari e meriton të jetë presidentja e tretë në Kosovë.
“Dy presidente i ka pasur Kosova deri tash. Flutura Kusari e meriton të jetë e treta. E kompletuar në çdo aspekt. Lum shoqëria jonë që e kemi”, ka thënë Kelmendi, transmeton Klankosova.tv.
Komentet e Gjinovcit për Kusarin, si të papranueshme i ka parë edhe drejtori i Nacionales, Berat Buzhala, i cili tha se si është e mundur që një pjesëtar i shoqërisë civile ta ketë një postim të tillë.
“Qysh është e mundur një pjesëtar i shoqërisë civile, një njëri që pretendon që është i kulturuar dhe civilizuar, me e pasë këtë postim”, tha Buzhala.
Tutje, ai tha se Flutura Kusari është autoriteti më i lartë i Kosovës në fushën e mediave në Evropë.
E, për gazetaren Arta Avdiu, në media nuk duhet të ketë vend për seksistët recidivistë.
“Flutura Kusari është ndër profesionistet më të mira që e njoh. Grua me integritet, etikë të punës dhe arritje të mëdha ndërkombëtare. Në pamundësi me argumentu, burrat patriarkal i vërsulen grave duke ua komentuar pamjen fizike”, tha Avdiu, përcjell Klankosova.tv.
Ndërsa deputetja e PDK-së, Blerta Deliu, i tha Flutura Kusarit “t’i du flokët, sytë, mendjen e krejt çka ti përfaqëson”.
Reagim për komentin bullizues të Gjinovict pati edhe ish-ambasadori i Kosovës në Suedi, Lulzim Peci, aktualisht pjesë e shoqërisë civile si drejtues i organizatës KIPRED. Ai tha se “disa anëtarë të shoqërisë më së paku civile kanë rrëshqitë komplet, bile edhe busullat ideologjike u janë trazuar”.
Peci tha se në njërën anë ata janë të pranishëm në paradën e krenarisë të komunitetit LGBTQ ndërsa në anën tjetër bëjnë ironi me frizurën e aktivistes së shoqërisë civile, Flutura Kusari.
Kurse ish-deputetja Aida Dërguti, tha se Flutura Kusari, Ehat Miftaraj e disa individë të tjerë me integritet të lartë në shoqëri civile, janë shtylla dhe siguresat e demokracisë.
“Njerëzit e mençur e përdorin kokën për të menduar, disave iu shërben veç për frizurë”, tha Dërguti.
Komentin bullizues të Gjinovcit, anëtarja e organizatës “QIKA”, Leonida Molliqaj, i quajti fyese ndaj grave që guxojnë ta ngrisin zërin e të bëhen pjesë e jetës publike.
“Sot qenka tallur me flokët e Flutura Kusarit; para ca ditësh e quajti ‘e çmendur’ Dafina Demakun ndërkohë, iu ka shndërru në ushtrim ditor gjuha e ulët e bullizuese ndaj moderatores Mimoza Koprani Muçaj. Rroni ta zëmë, i vetëdeklaruar si aktivist i majtë, s’paska denjuar ta komentojë aktivizmin e Fluturës për lirinë e shprehjes, e paska zgjedhur fyerjen si zhvlerësim të personit”, tha Molliqaj, transmeton Klankosova.tv.
Përqeshje e bullizëm për frizurën e Kusarit pati edhe nga një faqe e quajtur “Simpatizantet e Vetvendosjes”, të cilët thanë se “A me koordinim a pa koordinim? Ç’far frizure”.
Klankosova.tv ka tentuar disa herë gjatë ditës të marrë qëndrim edhe nga Flutura Kusari, mirëpo kontakti me të ka qenë i pamundur.
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...