Lajme

Gjini: VV-ja e nisi mocionin për ta futur në kurth PDK-në

Autori: Gazeta inFokus 08:04 | 15 September 2020

Nënkryetari i AAK-së, Ardian Gjini, ka thënë në Interaktiv të KTV-së se Vetëvendosje e ka nisur mocionin për rrëzimin e qeverisë si kurth për PDK-në.

Ai thotë se VV-ja nuk e kishte qëllim parësor rrëzimin e qeverisë por vënien në situatë të keqe të PDK-së.

“VV e ka filluar mocionin për ta futë PDK-në në një kurth, në një situatë të keqe. Tani edhe mund të vijë koalicioni por nuk do kalojë. Nëse presin që ky koalicion do të bie për shkaqe të cilat mendojnë, gabojnë”.

-Advertisement-

“E dijnë që VV e PDK nuk i kanë numrat për rrëzim. Kam informata se kur ka nisë mocioni kanë nisë që të kërkohet nga PDK rrëzimi i qeverisë për shkaqe që ata i dijnë por më vonë ka evolu. Por në fillim ka nisur si kurth”.

Ai thotë se nuk ka pasur bisedime konkrete për futjen e PDK-së në koalicion qeverisës.

“Nuk ka pasur negociata konkrete për kyçjen e PDK-së në koalicion, ende jo. A do të ketë, nuk mund ta di, cili do të jetë qëndrimi i AAK-së pasi ta marrim vendimin do ta bëjmë publik”.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme