Lajme

Gjini: Vdekja e parakohshme e Mentor Salihit është dhimbje e madhe për tërë Kosovën

Autori: Gazeta inFokus 18:40 | 06 July 2022

Me homazhe dhe vendosje të kurorave me lule, është nderuar sot mjeku i Qendrës së Mjekësisë Familjare në Gjakovë Dr. Mentor Salihi, i cili u aksidentua ditë më parë gjatë kryerjes së detyrës zyrtare.

Në një ceremoni homazhi të mbajtur në Pallatin e Kulturës “Asim Vokshi”, në Gjakovë, qindra qytetarë kanë shprehur ngushëllimet për këtë humbje të madhe, teksa u vlerësua lartë personaliteti, profesionalizmi dhe kontributi i të ndjerit.

Në këtë ceremoni ka marrë pjesë edhe kryetari i komunës së Gjakovës Ardian Gjini, i cili në fjalën e tij, mes tjerash, tha se dhembja që ka shkaktuar vdekja e parakohshme e dr. Mentorit është e madhe, sidomos për familjen e të ndjerit, por gjithashtu edhe për tërë qytetarët e Gjakovës dhe Kosovës, për faktin se u shua jeta e një të riu dhe një profesionisti aq të nevojshëm në ditët e sotme në vendin tonë.

-Advertisement-

I ndjeri Mentor Salihu do të varroset në vendlindjen e tij në fshatin Nivokaz.

Subscribe në YouTube: GAZETA INFOKUSI
Nis bashkëpunimi serioz dhe strategjik midis Comodita dhe JYSK International

Të tjera

Fokusi

lajme