Lajme

Gjilani nuk do të përfaqësohen në Kuvend nga “partitë e vjetra”

Autori: Gazeta inFokus 17:10 | 04 March 2021

Vetëm një nga kandidatët për deputetë të partive politike tradicionale në komunën e Gjilanit ka marrë votat e mjaftueshme për të zënë një ulëse në Kuvendin e Kosovës.

Në bazë të rezultateve të publikuara nga Komisioni Qendror i Zgjedhjeve të jashtëzakonshme parlamentare që u mbajtën më 14 shkurt vetëm Lëvizja Vetëvendosje ka arritur të përfaqësohet me gjashtë deputet nga ky qytet.

Kandidatët PDK-së nga komuna e Gjilanit janë: Gani Neziri i cili ka marrë vetëm 4,160 vota, Hevzi Xhelili 1,901 vota, Sami Hoxha 2,807 vota dhe Ilir Tahiri 4,237.

Ndërsa në Lidhjen Demokratike të Kosovës, kandidat për deputet nga Gjilani janë, Lirije Kajtazi 5,444 vota, Faton Bislimi 7,284 vota, Imet Rrahmani 4,698 vota, Ramiz Ramadani 4,426 vota.

Dhe Valentina Bunjaku Rexhepi është deputetja e cila ka zënë ulëse në Kuvend, me 5,775 vota.

E dy kandidatët e AAK-së, Rexhep Kadriu me 3,646 vota dhe Ahmet Isufi me 2,579 vota, nuk do të jenë pjesë e legjislaturës së re.

Për dallim nga partitë e tjera, Vetëvendosja nga 8 kandidat për deputet nga Komuna e Gjilanit, gjashtë kanë zënë ulëse në Kuvend, shkruan Gazeta inFokus.

Kandidatët të cilën nuk kanë zënë ulëse në Kuvend janë, Hydajet Hyseni  6, 413 vota dhe Avni Zogjani 4,284 vota.

Ndërsa, Gjilani nga Vetëvendosje do të përfaqësohet nga, Alban Hyseni ka marrë 15,225 vota, Arbereshë Kryeziu Hyseni  14 261 vota, Labinotë Demi Murtezi 19,970 vota, Adriana Matoshi  10, 403 vota, Arijeta Rexhepi 11,253 vota, dhe Luan Aliu  9,337. /Gazeta infokus/

Të tjera

Fokusi

lajme