Lajme

Gjilanasi vjen nga Zvicra për balotazh

Autori: Gazeta inFokus 08:27 | 14 November 2021

Banorë të këtij vendi e gjilanas nga diaspora po votojnë sot për të parin e komunës së tyre. Ata shprehen të dëshpëruar me papunësinë e madhe, infrastrukturën rrugore dhe shërbimet në shëndetësi. Nga raundi i dytë i zgjedhjeve presin ndryshim pozitiv dhe udhëheqje në shërbim të qytetarëve.

Shukri Sadiku ka ardhur nga Zvicra që të votojë, ndërsa dëshira e tij e vetme mbetet punësimi i të rinjve në Gjilan.

“Unë po pres më së shumti që rinia të punësohet, me ndreq e mos me i shti nëpër gjepa ata që janë në krye… kam ardhur ekstra me votu…krejt i mungojnë, rruga, arsimi, të gjithat. Pa rini ne nuk kemi të gjallë. Se unë që 50 vjet jam atje, prej 1971”, thekson ai.

-Advertisement-

Zijadin Koka, i cili jeton në Gjilan shprehet i zhgënjyer me gjendjen në këtë komunë.

“Kemi dalë vërtetë që ta definojmë votuesin edhe presim ndryshim të madh në Gjilan. Shpresojmë një ndryshim pozitiv, pasi që edhe populli është i dëshpëruar. Kaluan disa vite nuk u bën zgjidhje, nuk po shohim përmirësim… është papunësia shumë e madhe. Infrastruktura shumë e dobët, sidomos në fshatra të Gjilanit, lumenjët ashtu, natyra”, thekson ai.

Në Gjilan të drejtë vote kanë mbi 100 mijë qytetarë, në 34 qendra votime dhe 126 vendvotimi.

Gara e sotme zhvillohet mes Lutfi Hazirit të LDK-së dhe Alban Hysenit të LVV-së

Subscribe në YouTube: GAZETA INFOKUSI