Gjetjet e IKD-së: Gjykata me zvarritje të theksuara në rastet e politikanëve
![](https://gazetainfokus.com/wp-content/uploads/2023/04/gjykata-600x360-1.jpg)
Autori: Gazeta inFokus
10:34 | 14 September 2023
Hulumtuesi i lartë në Institutin e Kosovës për Drejtësi (IKD), Gzim Shala, gjatë prezantimit të raportit “Hetimet e mangëta, gjykimet e imëta”, tha se gjatë monitorimit kanë gjetur se ka zvarritje të theksuar tek rastet e politikanëve të akuzuar për vepra të ndryshme penale.
Shala tha se një rast i tillë është ai i deputetit të Aleancës për Ardhmërinë e Kosovës, Pal Lekaj. Prokuroria Themelore në Prishtinë më 6 janar të vitit 2017 kishte ngritur aktakuzë për përdorim të armës apo mjetit të rrezikshëm, duke e ngarkuar se në nëntor të vitit 2015 kishte hedhur gaz lotsjellës në Kuvendin e Republikës së Kosovës, raporton “Betimi për Drejtësi“.
Mirëpo për këtë rast, nga viti 2017 ende nuk është mbajtur shqyrtimi fillestar. Më 7 prill 2022 ishte paraparë të mbahej kjo seancë mirëpo Lekaj nuk ishte paraqitur në seancë dhe gjykata nuk ka pasur fletëkthesë nëse i njëjti ishte ftuar me ftesë të rregullt apo jo, derisa seanca e radhës është caktuar në fund të marsit 2023, e cila për shkak të mungesës së të akuzuarit Lekaj nuk u mbajt.
Për hedhje të gazit lotsjellës në Kuvend dhe pengim të personit zyrtar në kryerjen e detyrës zyrtare në mars të vitit 2018, po akuzohet edhe deputeti nga radhët e Lëvizjes Vetëvendosje, Valon Ramadani. Ndaj këtij të fundit ishte ngritur aktakuza nga Prokuroria Themelore në Prishtinë më 30 korrik 2019, ndërsa shqyrtimi fillestar ishte mbajtur në korrik të vitit 2021 ku ai ishte deklaruar i pafajshëm.
Pas konfirmimit të akuzës nga Gjykata e Apelit, më shumë se një vit për këtë rast nuk është caktuar seanca e shqyrtimit kryesor. Gjykata në Prishtinë e arsyeton këtë me numrin e madh të lëndëve në punë. Po ashtu, situatë e njëjtë paraqitet edhe me rastin e deputetes nga radhët e AAK-së Time Kadrijaj, e cila akuzohet për veprën penale “Mbajtje në pronësi, kontroll ose posedim të pa autorizuar të armëve”.
Për këtë rast, Shala tha se pothuajse shtatë vite nga ngritja e aktakuzës, nuk është mbajtur asnjë seancë. Dy seanca ishin planifikuar të mbaheshin, njëra në dhjetor të 2016-ës e tjetra në shkurt të 2017-ës por që të dyja kishin dështuar të mbaheshin.
Veç tjerash, Shala tha se rast tjetër ilustrativ i dështimit të gjykatës në rastet ndaj politikanëve është edhe rasti ndaj ministrit të Punëve të Brendshme, Xhelal Sveçla dhe të tjerëve, të cilëve më 27 qershor 2023 iu është parashkruar aktakuza për huliganizëm gjatë protestës së VV-së në vitin 2013. Lidhur me zvarritjet dhe parashkrimin e këtij rasti, një ndër arsyetimet e gjykatës kishte qenë mungesa e të pandehurve në seanca.
Ndryshe, “Betimi për Drejtësi”, kishte njoftuar paraprakisht se ky rast do të arrinte parashkrimin. Ky rast ishte gjykuar nga gjykatësi i Departamentit të Përgjithshëm, Eroll Gashi.
E për trajtimin joefikas ta rasteve të politikanëve nga gjyqësori dhe mosrespektimin e afateve ligjore, IKD nga monitorimi sistematik që i bën sistemit të drejtësisë ka evidentuar raste të tilla edhe vitet e mëhershme me çka ka konsideruar se kjo qasje e gjyqësorit krijon një perceptim negativ tek publiku për mungesë të guximit të trajtimit të rasteve të politikanëve nga ana e gjykatave, veçanërisht, nëse rastet e të njëjtëve parashkruhen.
“Mbase, edhe ky raport, ngjashëm sikurse raportet e mëparshme të IKD-së, vë në spikamë nëpërmes fakteve, problemet serioze të gjyqësorit në Republikën e Kosovës”, shtoi krejt në fund Shala.
Instituti i Kosovës për Drejtësi (IKD), me përkrahje të Departamentit të Shtetit Amerikan – Byrosë për Çështje të Narkotikëve Ndërkombëtarë dhe Zbatimit të Ligjit, të enjten, ka mbajtur konferencë për media, në të cilën është prezantuar raporti me titull “Hetimet e mangëta dhe gjykimet e imëta” raport ky si rezultat i monitorimit të drejtpërdrejtë dhe sistematik që IKD i ka bërë punës së Prokurorive dhe Gjykatave në trajtimin e krimeve të përgjithshme gjatë vitit 2022.
![](https://gazetainfokus.com/wp-content/uploads/2024/02/IMG_4130-600x360-1.jpeg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...