Këngëtari i njohur, Gjestti, ka reaguar publikisht pas incidentit të fundit që ka shkaktuar reagime në rrjet dhe në industrinë muzikore, duke pranuar se ka gabuar dhe duke kërkuar falje për situatën e krijuar.

Përmes një deklarate në InstaStory, ai është shprehur se periudha e fundit nuk ka qenë e lehtë për të dhe se ndjen keqardhje për shqetësimin që ka shkaktuar, sidomos ndaj stafit të tij. “Po du me pranu që kom bo gabim dhe kërkoj falje… m’vjen shumë keq dhe jam shumë pishmon”, ka thënë ai, duke theksuar se nuk është natyrë e tij të sillet në atë mënyrë.

Në të njëjtin reagim, Gjesti ka zbuluar se tashmë ka nisur procedura ligjore ndaj kompanisë muzikore “Onima”, të cilën e akuzon për keqtrajtim ndër vite, borxhe dhe dëme të shkaktuara.

-Advertisement-

Ai ka bërë të ditur se së bashku me menaxhmentin dhe avokatët në Britani, janë duke ndjekur këtë çështje në rrugë ligjore, ndërsa ka paralajmëruar se shumë detaje të tjera do të bëhen publike në vazhdim.

Megjithatë, artisti ka theksuar se pavarësisht situatës, nuk do të ndalet dhe se muzika e tij do të vazhdojë, duke shtuar se drejtësia do të triumfojë.

Reagimi i i plotë:

SQARIM:

Periudha e fundit nuk u kon ma e lehta per mu, edhe pe ndjej t’nevojshme me adresu cka ka ndodh.

Fillimisht po du me pranu qe kom bo gabim edhe kerkoj falje per shqetesimin qe e kom shkaktu te stafi. M’vjen shume keq edhe jom shume pishmon. Une nuk jom njeri i tille edhe vec ni torture e madhe qe nuk u nal kurr ka mujt me m’pru ne at gjendje.

Faleminderit prej zemres per krejt mesazhet dhe mbeshtetjen, m’keni jep force n’momentet t’vshtira. Ni falenderim i vecante shkon per avokatet e mi, Burimin Azemin dhe Artan Çerkini, per profesionalizmin edhe perkrahjen e vazhdueshme.

N’bashkepunim me label, menaxhmentin, edhe avokatat tone ne Britani, kemi nis procedura ndaj kompanise Onima per krejt keqtrajtimet nder vite, borxhet (tu e perfshi edhe borxhin aktual), mundesite e humbuna dhe damet e shkaktume. Ka shume sene qe hala nuk i dini, po qe keni me i kuptu shume shpejt.

Muziken s’munet me ma nal kerkush, sidomos jo njerezit edhe kompanite qe e kane per qellim me i shkatrru artistat edhe me e njollos industrine e muzikes.

Gjate ksaj kohe qe jemi n’gjyq koft nevoja edhe vec n’TikTok e Instagram kom me i postu kangt e mia, e pa muzike s’ju lo.

Ju du shume! Drejtesia ka me fitu, si gjithmone.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-