Gjermania, plan krize në rast ndërprerjeje të papritur të furnizimit me gaz nga Rusia
Autori: Gazeta inFokus 07:40 | 10 May 2022
Zyrtarët gjermanë po përgatiten pa bujë në rast se Rusia ndalon papritur furnizimin me gaz, duke hartuar një paketë emergjente, e cila mund të parashikojë edhe marrjen e kontrollit të disa kompanive kritike. Lajmi u bë i ditur për agjencinë Reuters nga tre persona në dijeni të kësaj çështjeje.
Përgatitjet që po udhëhiqen nga Ministria e Çështjeve Ekonomike tregojnë shqetësimet në rritje mbi furnizimin me gaz të fuqisë më të madhe ekonomike të Evropës, një produkt kritik për prodhimin e çelikut, plastikës dhe makinave.
Vitin e kaluar Gjermania siguroi 55% të importeve të saj të gazit nga Rusia. Berlini ndodhet nën trysni për t’u “çliruar” nga kjo marrëdhënie biznesi që kritikët thonë se po ndihmon në financimin e luftës së Rusisë në Ukrainë.
Gjermania ka bërë të ditur se po kërkon të heqë dorë nga importet ruse, por pritshmëritë janë që ajo të jetë kryesisht e varur nga Moska për gaz, deri në mesin e vitit 2024.
Mbetet e paqartë nëse do të ketë një ndalesim të menjëhershëm të furnizimit me gaz. Zyrtarët thanë se Gjermania dëshiron të shmangë një përshkallëzim si pasojë e mbështetjes së një embargoje evropiane ndaj gazit rus, ndërsa ka mbështetur tashmë sanksionet ndaj qymyrit dhe naftën ruse.
Por tashmë zyrtarët gjermanë druhen se Moska mund të ndërpresë në mënyrë të njëanshme furnizimin me gaz dhe po përpiqen të gjejnë mënyra për ta përballuar një situatë të tillë.
Zyrtarët thanë se detajet rreth një plani që do të trajtojnë këtë situatë janë aktualisht duke u shqyrtuar.
Qeveria pritet të mbështesë dhënien e kredive dhe garancive të mëtejshme për të mbështetur kompanitë që operojnë në fushën e energjisë, duke i ndihmuar ato të përballen me çmimet në rritje si dhe mund të marrë nën krahët e saj, kompani kritike, sikurse rafineritë, thanë tre zyrtarët në dijeni të kësaj çështjeje.
Të pyetur për një koment lidhur me masat, zyrtarët e ministrisë së ekonomisë së Gjermanisë vunë në dukje deklaratat e kreut të këtij institucioni, zëvendës kancelarit Robert Habeck, i cili ka thënë se vendi kishte bërë përpjekje intensive në javët e fundit për të reduktuar përdorimin e energjisë ruse.
Muajin e kaluar, Berlini miratoi një ndryshim ligjor për të lejuar marrjen nën kontroll të kompanive energjitike si mjetin e fundit për të zgjidhur situatën.
Dy zyrtarë gjermanë thanë se aktualisht po diskutohet rreth mënyrave se si kjo masë mund të përdoret në praktikë, si për shembull duke marrë kontrollin e rafinerisë “PCK”, të operuar nga “Rosneft ROSN.MM” e Rusisë e cila ndodhet në qytetin Schwedt pranë Polonisë.
Në të trajtohet pjesa më e madhe e sasisë së mbetur të naftës ruse që importohet nga Gjermania dhe mund të goditet nga një embargo e Bashkimit Evropian.
Kompania “Rosneft” nuk pranoi të komentojë lidhur me masat që mund të ndërmerren nga autoritetet gjermane.
Të tjera
-
Zveçan: Policia i gjen armë në shtëpi, i dyshuari dërgohet në mbajtje
Policia e Kosovës njofton se të mërkurën gjatë kontrollit në shtëpinë e një t...
-
Opozita lëshon sallën, shkak raporti i DASH e marrëveshjet ndërkombëtare
Partitë opozitare kanë lëshuar seancën e Kuvendit të Kosovës. Arsyeja për kët...
-
Hulumtimi i Infokusit: Ferat Shala e quan të dyshimtë dhe të kundërligjshme marrëveshjen e Liburn Aliut për tunelin Prizren – Tetovë
Gazeta Infokus ekskluzivisht të mërkurën ka publikuar marrëveshjen e nënshkru...
-
LAJMI I FUNDIT: Lirohen nga akuza Sylejman Selimi dhe Jahir Demaku
Janë liruar nga akuza, Ish-komandanti i Ushtrisë Çlirimtare të Kosovës, Sylej...
-
Murati: S`po ratifikohen marrëveshjet që do të përfitonim 300 milionë euro
Ministri i Financave dhe Transfereve, Hekuran Murati ka thënë se janë 300 mil...
-
Avokati i Popullit, i shqetësuar me akuzat për ngacmime seksuale në UP
Institucioni i Avokatit të Popullit është shprehur jashtëzakonisht i shqetësu...
-
Sindikata e Re KEK-ut dhe ajo e Trepçës, reagojnë ndaj kryetarit të BSPK-së për disa vendime
Sindikata e Re e KEK-ut, Sindikata e Pavarur e Administratës së Kosovës dhe S...
-
“Për nder të Liburn Aliut i cili na lëshoi çeshmen”, PSD aksion para Qeverisë
Partia Socialdemokrate ka zhvilluar një aksion simbolik në oborrin e Qeverisë...
-
Bogujevci: Suksesi i Kosovës në KiE-kur jemi bashkë arrijmë shumë
Nënkryetarja e Kuvendit të Kosovës, Saranda Bogujevci, e ka vlerësuar si suks...
-
Në Bruksel fillon takimi i përbashkët mes kryenegociatorëve
Ka nisur takimi i përbashkët mes kryenegociatorëve të Kosovës me ndërmjetësim...
-
Bom ba në veturën te rruga B: Arrestohet në aeroport Kushtrim Krasniqi, dyshohet se tentoi ta vra*ë Ardit Sekiraqën
Pas më shumë se dy muajsh, Policia ka arritur ta arrestojë të dyshuar për ten...
-
Rusia do ta humbte një luftë me NATO-n, paralajmëron Polonia
Një luftë mes Rusisë së Vlladimir Putinit dhe NATO-s do t’i jepte fund “mposh...