Pas rënies së Qeverisë së Kancelarit Sholz, partitë politike gjermane janë marrë vesh që zgjedhjet e reja parlamentare në Gjermani, të mbahen më 23 shkurt. Për këtë datë ka dhënë në parim pëlqimin edhe presidenti gjerman, Steinmeier.

Pas shpërbërjes së koalicionit midis socialdemokratëve, të gjelbërve dhe liberalëve, subjektet politike parlamentare të përfaqësuara në Bundestag, janë marrë vesh që data e zgjedhjeve të reja parlamentare në Gjermani të jetë 23 shkurt 2025. Ky propozim është miratuar nga CDU dhe SPD. Gjithashtu, FDP dhe të Gjelbërit nuk kanë kundërshtuar propozimin, raporton televizioni parë publik gjerman ARD.

Ndërkaq, edhe presidenti i Republikës Federale, Frank-Walter Steinmeier, i cili merr vendimin përfundimtar lidhur me datën e zgjedhjeve, ka dhënë sinjale, se pajtohet për datën e përcaktuar.

-Advertisement-

Kancelari Sholz ka njoftuar në mediat gjermane, se para Krishtlindjeve, përkatësisht me 11 dhjetor pritet të paraqesë kërkesën me shkrim për votëbesim, ndërsa më 16 dhjetor pritet të vihet në votën e deputetëve të Bundestagut, besimi ndaj qeverisë së tij, e cila nuk ka shumicën e nevojshme për vazhdimin e qeverisjes.

Sipas ligjit, pas humbjes së votëbesimit për qeverinë, presidenti i Republikës ka 21 ditë kohë për të shpallur shpërbërjen e Bundestagut. Pas kësaj, ka një periudhë 60-ditore brenda së cilës duhet të zhvillohen zgjedhjet dhe brenda kësaj periudhe përfshihet edhe datën 23 shkurt.

Sipas rregullit, derisa të zhvillohen zgjedhjet për Bundestagun gjerman, nuk do të ketë zgjedhje për parlamentet e krahinave, kështu që zgjedhjet për qytetin e Hamburgut, do të zhvillohen një javë më vonë, përkatësisht më 2 mars.

Për datën e mbajtjes së zgjedhjeve parlamentare më 23 shkurt, mbështetjen e saj e ka shfaqur edhe kryetarja e Komisionit të Zgjedhjeve, Ruth Brand. Ajo tha se data e propozuara në shkurt është “plotësisht të realizueshme” dhe se implementimi i zgjedhjeve është i menaxhueshëm nga pikëpamja teknike.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-