Lajme

Gjermania i ofron Polonisë raketa për mbrojtje të hapësirës ajrore

Autori: Gazeta inFokus 07:31 | 22 November 2022

Gjermania i ka ofruar Polonisë sisteme mbrojtëse, Patriot dhe Eurofighters, për mbrojtje të hapësirës ajrore.

Kështu u tha mediave gjermane, ministrja e Mbrojtjes, Christine Lambrecht.

“Brenda aleancës, ne duhet të pozicionohemi edhe më mirë sa i përket mbrojtjes ajrore, dhe kjo vlen veçanërisht për Poloninë, Sllovakinë dhe vendet baltike”, tha ajo.

-Advertisement-

Ministri polak i Mbrojtjes, Mariusz Blaszczak ,tha se ai e pranoi ofertën e Gjermanisë për raketa shtesë Patriot, dhe tha se do t’i vendosin ato pranë kufirit me Ukrainën.

Më 14 nëntor, dy polakë u vranë kur një raketë goditi një depo gruri në fshatin Pzhevoduv, vetëm 6 kilometra nga kufiri me Ukrainën.

Sekretari i Përgjithshëm i NATO-s, Jens Stoltenberg, deklaroi një ditë më pas se sulmi i së martës në Poloni me gjasë u shkaktua nga mbrojtja ajrore e Ukrainës, por shtoi se Rusia mbetet fajtore pasi ajo e nisi luftën.

Incidenti ndodhi gjatë asaj që Kievi e quajti valën më intensive të sulmeve ruse me raketa në qytete ukrainase që nga fillimi i luftës në shkurt.

Ukraina tha se i rrëzoi shumicën e raketave ruse përmes raketa të veta të mbrojtjes ajrore. Rajoni Volyn i Ukrainës, afër kufirit me Poloninë, ishte njëri nga të shumtit që ishte cak i sulmeve ruse, sipas Ukrainës./Rel

Subscribe në YouTube: GAZETA INFOKUSI
Etiketa:
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

lajme