Gjermania dhe Franca përmes një komunikate të përbashkët pas zgjedhjeve të 14 shkurtit kanë uruar , kandidatin për kryeministër, Albin Kurtin nga LVV-ja dhe kandidaten për presidente, Vjosa Osmanin për rezultatin në këto zgjedhje.

Në këtë komunikatë dy shtetet kanë kërkuar që sa më shpejtë të formohet qeveria e re dhe të zgjidhet presidenti i Kosovës.

Ambasadori gjerman në Kosovë, Jorn Rohde ka publikuar në rrjetin social Tëitter këtë komunikatë ku thuhet se presin që të formohet qeveria dhe të vendoset për presidentin sapo të finalizohen rezultatet e zgjedhjeve të 14 shkurtit.

“Së bashku me BE-në ne do të mbështesim Kosovën në menaxhimin e pandemisë COVID 19”, thuhet në këtë komunikatë.

Dy shtetet janë shprehur të gatshëm që të mbështesin vazhdimin e dialogut të lehtësuar nga Bashkimi Evropian./Gazeta inFokus/ 

🇩🇪 Germany and 🇫🇷 France congratulate the citizens of 🇽🇰#Kosovo, @albinkurti @LVetevendosje and @VjosaOsmaniMP on the election results. We call for a swift formation of the government and election of the President, once the results are finalised. @FranceauKosovo

— Ambassador Jörn Rohde (@GermanAmbKOS) February 22, 2021