Lajme

Gjermania dhe Austria patrullojnë kufirin, shkak emigrantët

Autori: Gazeta inFokus 15:57 | 02 June 2018

Nga 1 qershori, Policia Federale Austriake, ajo gjermane dhe policia e landit të Bavarisë kanë nisur për herë të parë kontrollet me patrulla treshe në zonën kufitare mes të dy vendeve.

Fokusi është në vendkalimin Austri-Itali-Brenner, aty ku ka pasur dhe probleme më të mëdha me emigrantët.

Ndonëse normalisht në hapësirën Schengen nuk duhet të ketë kontrolle kufitare, mjaft shtete të BE-së i kanë zgjatur masat e verifikimeve në kufi, në kundërshtim me dëshirën e Komisionit Europian.

-Advertisement-

Kontrollet e përbashkëta, sipas tyre, përforcojnë gjithmonë e më shumë veprimet kundër krimit dhe emigracionit të paligjshëm.

Zëdhënësi i Drejtorisë së Policisë Federale në Munich, Thomas Borowik sqaroi se konsiderohet në mënyrë të veçantë e rëndësishme që të ketë një koordinim të masave në zonat kufitare.

Patrullat do të kontrollojnë intensivisht, sidomos trenat e mallrave. Vitin e kaluar, përmes tyre kaluan në zonën e Mynihut rreth njëmijë refugjatë.

Në zonën Schengen të 26 vendeve europiane kontrollohen zakonisht vetëm kufijtë e jashtëm, por që nga kriza e refugjatëve në vitin 2015, Gjermania dhe vendet e tjera kanë rivendosur kontrollet edhe në kufijtë e tyre të brendshëm.

Kundër dëshirës së Komisionit Europian, këto kontrolle do të vazhdojnë edhe për 6 muaj të tjerë, nisur nga maji.

Subscribe në YouTube: GAZETA INFOKUSI