Lajme

Gjermania akuzon Rusinë: Putin synon të destabilizojë situatën në Gjeorgji dhe Moldavi

Autori: Gazeta inFokus 07:38 | 21 March 2023

Ministrja e Jashtme gjermane Annalena Baerbock ka akuzuar Rusinë se synon të destabilizojë situatën në Gjeorgji dhe Moldavi.

“Kjo është pjesë e strategjisë së Rusisë për të destabilizuar shoqëritë që ndjekin rrugën evropiane,” tha Baerbock, kur u pyet nëse ajo ndante frikën se Gjeorgjia dhe Moldavia mund të shkojnë në anën e Moskës.

Ajo vuri në dukje se për shkak të situatës në Ukrainë, “përpjekjet e Rusisë për të ndikuar në Moldavi dhe Gjeorgji janë duke u intensifikuar”.

-Advertisement-

“Ne ndajmë vlerat evropiane me ta dhe mbështesim dëshirën e tyre për të vendosur vetë për të jetuar në paqe dhe liri përmes perspektivës së anëtarësimit në Evropë,” shtoi ajo.

Në fillim të marsit, në Gjeorgji u mbajtën protesta kundër projektligjit “Për agjentët e huaj”, i cili përfshin krijimin e një regjistri të organizatave joqeveritare dhe mediave që marrin fonde të huaja. Autoritetet gjeorgjiane më vonë e tërhoqën këtë projektligj.

Më 12 mars në Moldavi pati përplasje mes opozitës dhe policisë. Kreu i Komisariatit të Përgjithshëm të Policisë së vendit, Viorel Cernauteanu, pohoi se në këto ngjarje në vend janë përfshirë shërbimet speciale ruse.

Subscribe në YouTube: GAZETA INFOKUSI