Lajme

Gjergj Dedaj pyetet nga mbrojtja e Thaçit për Mehmet Hajrizin, Gani Krasniqin, Gani Kocin dhe Veton Surroin

Autori: Gazeta inFokus 14:32 | 07 November 2023

Pas përfundimit të pyetjeve të Zyrës së Prokurorit të Specializuara kundërpyetjet për dëshmitarin Gjergj Dedaj i ka filluar mbrojtja e Hashim Thacit përmes avokatit, Luka Misetic.

Me fillim avokati Misetic pyeti Gjergj Dedajn për disa persona siç është Mehmet Hajrizi.

“Nuk e di datën, por e di se disa struktura disa individë janë largu nga Lidhja Demokratike e Kosovës”, tha Dedaj në pyetjen për Mehmet Hajrizin.

-Advertisement-

Dedaj u pyet edhe për persona si Gani Krasniqi, Gani Koci dhe Veton Surroin.

“Ka pas individë që janë largu nga Lidhja Demokratike të Kosovës. Edhe ai (Gani Krasniqi) si duket është largu nga strukturat e LDK-së. E kam thanë dhe jam i bindun se (Gani Koci) ka dal nga strukturat e LDK-së dhe domethënë ka kalu në UÇK. (Veton Surroi) nuk ka qenë anëtar i LDK-së, ai ka pas një lëvizje ku i di edhe ka qenë më shumë i shoqërisë civile”, tha Dedaj.

Brenda strukturave të LDK-së, Dedaj tha se ka pasur përqarje edhe para daljes së UÇK-së në skenë.

“Ka pasur përparje se një pjesë e individëve mendonte se nuk mund të zgjidhet çështja e Kosovës vetëm me konferenca shtypi, domethënë vetëm me paraqitje politike publike por duhet pasur një organizim aktiv dhe me daljen në skenë të UÇK-së në nëntor të vitit ’97 situata ka ndryshu shumë në terren”, tha Dedaj.

Ndryshe, avokati Misetic tha se marrja në pyetje e këtij dëshmitari nga ana e tij do të zgjasë edhe gjatë paradites së nesërme./BetimiperDrejtesi

Subscribe në YouTube: GAZETA INFOKUSI