Lajme

Gjenerali Clark ua prezanton Thaçin nipave të tij: Ky është heroi i Kosovës (Video)

Autori: Gazeta inFokus 22:17 | 12 June 2019

Gjenerali amerikan, Wesley Clark, i cili 20 vjet më parë udhëhoqi fushatën e bombardimeve kundër regjimit të Sllobodan Millosheviqit, është pritur sot nga liderët institucionalë të Kosovës.

Në këtë përvjetor, Clark kishte marrë me vete edhe gruan dhe dy nipat e tij, njeri prej të cilit mban emrin e tij, Wesley. Gjeneralit dhe familjes Clark një pritje e veçantë iu bë edhe nga Presidenti i Kosovës, Hashim Thaçi, i cili për t’i pritur u ka dalë deri te porta që ndan sheshin Ibrahim Rugova prej ndërtesës së Kuvendit.

Pasi u uron mirëseardhje gjeneralit Clark, Thaçi siç shihet në video i përshëndet edhe gruan dhe nipat e gjeneralit. “Mirë se vjen gjeneral, mirë se vjen”, i thotë Thaçi nga larg gjeneralit Clark.

-Advertisement-

Ndërsa, Clark më pas fillon t’ia prezantojë familjes dhe nipave Thaçin. “Presidenti Thaçi, ky është heroi, ky e bëri këtë të mundur. Ishte shumë i ri, kishte një ëndërr, luftoi për të dhe e bëri”, tha Clark, duke iu prezantuar nipave të vegjël Presidentin e Kosovës, Hashim Thaçi.

Por, presidenti Thaçi dëgjohet duke u thënë se heroi i Kosovës është Wesley Clark. Gjenerali Clark gjatë ditës është dekoruar me “Urdhrin e Lirisë”.

Subscribe në YouTube: GAZETA INFOKUSI

Të tjera

Fokusi

lajme