Ekonomi

Gjendje e rënduar edhe në Shqipëri, blen 7.6 milionë euro energji vetëm për fundjavë

Autori: Gazeta inFokus 18:35 | 19 August 2022

7.6 milion euro i ka kushtuar Korporatës Elektroenergjitke Shqiptare blerja e energjisë elektrike vetëm për fundjavën. KESH ka mbyllur procedurën e blerjes së energjisë për periudhën 20-21 gusht duke e siguruar atë me një çmim mesatar prej 487,75 euro.

Për të plotësuar nevojat e vendit për furnizim me energji vetëm për fundjavën është blerë 15,624 mwh. Në bursa çmimi i energjisë ka arritur nivele rekord duke tejkaluar nivelin prej 500 euro mwh në disa orare piku. Pak ditë më parë Korporata Elektroenergjitike anuloi procedurën për blerjen e energjisë duke plotësuar nevojat e vendit me energji nga prodhimi vendas.

Por rënia e nivelit në Fierzë dhe thatësira e tejzgjatur duket se ka detyruar KESH që të hapë tender për të siguruar energji edhe për periudhën 22-28 gusht.

Në total për këtë javë kërkohet 47mije e 600 MwH energji. Që prej disa ditëve ministrja e energjisë ka nisur një fushatë ndërgjegjësimi në rrjete sociale për të kursyer energji. Për shkak të çmimeve të larta i bëhet thirrje qytetarëve që të shpenzojnë sa më pak energji elektrike. /abcnews.al/

Të tjera