Këshilli Komunal për Siguri në Bashkësi i Komunës së Podujevës, ka mbajtur mbledhjen e rregullt, në të cilën është raportuar për gjendjen e sigurisë, për implementimin e projektit të vendosjes së kamerave të sigurisë dhe çështje të tjera që kanë të bëjnë me sigurinë e qytetarëve.

Këshilli Komunal për Siguri në Bashkësi (KKSB) i Komunës së Podujevës, i kryesuar nga Kryetari i Komunës, Agim Veliu, ka mbajtur mbledhjen e tretë të rregullt, në të cilën ka shqyrtuar raportin e Policisë se Kosovës dhe KFOR-it për gjendjen e sigurisë në Komunë; implementimin e projektit te vendosjes se kamerave te sigurisë ne qytet; projektet që ndikojnë në sigurinë e qytetarëve; informatën për sigurinë në shkolla dhe informatën për aktivitetet e KKSB-së në vitin 20l7.

Lidhur me gjendjen e sigurisë në Komunën e Podujevës, raportoi komandanti i Stacionit Policor në Podujevë, kapiteni Bekim Bislimi.

-Advertisement-

Gjendjen e përgjithshme të sigurisë, kapiteni Bislimi, e vlerësoi të qetë dhe stabile. Komandanti i Stacionit të Policisë tha se numri i përgjithshëm i rasteve kriminale, të raportuara në polici, vazhdojnë të shënojnë rënie. Ndërsa, sipas tij, është shtuar numri i rasteve të raportuara të dhunës në familje.

Kapiteni Bislimi tha se shqetësues mbetet numri i aksidenteve në komunikacion, për çka Policia e Kosovës, ka ndërmarr masa shtesë përmes “Task Forcës” së krijuar dhe masave të tjera për siguri në komunikacion.  Edhe përfaqësuesi i KFOR-it gjendjen e sigurisë e vlerësoi të qetë dhe stabile.

Në takimin e KKSB u diskutua edhe për implementimin e projektit të vendosjes së kamerave të sigurisë në qytet.

Komandanti i Stacionit të Policisë, Bekim Bislimi, tha se tashmë janë identifikuar rrugët dhe zonat në qytet, por edhe në disa fshatra, ku është planifikuar vendosja e kamerave të sigurisë, të cilat do të ndikojnë në krijimin e sigurisë për qytetarët.

Kapiteni Bislimi tha se për implementimin e projektit nevojite përkrahje financiare, për çfarë deri tash ka marrë mbështetje nga Kryetari i Komunës, Agim Veliu. Sipas tij,  realizimi i këtij projekti mund të arrijnë vlerën deri në 100 mijë euro.

KKSB debatoi edhe për projektet që ndikojnë në sigurinë e qytetarëve, të cilat mund t’i propozohen drejtorive për miratim në Kuvend.

Lidhur me këtë çështje drejtori i Drejtorisë së Shërbimeve Publike, Mbrojtje dhe Shpëtim, Faik Muçiqi, tha se ekzekutivi i Komunës vazhdon t’i ketë prioritet projektet infrastrukturore që ndikojnë drejtpërdrejt në sigurinë e qytetarëve.  Në këtë aspekt u përmendën projektet e shenjëzimit horizontal dhe vertikal të rrugëve, ndërtimi i trotuareve dhe rrjetit të ndriçimit publik.

Kryetari Veliu kërkoi që krahas investimeve në rrugët lokale, të identifikohen problemet dhe rreziqet në rrugën nacionale dhe rrugët rajonale dhe këto probleme të adresohen në Ministrinë e Infrastrukturës.

 

Drejtori i Arsimit, Agim Blakçori, prezantoi informatë për sigurinë në shkolla gjatë vitit shkollor 2017/18. Me këtë rast ai përmendi investimet e bëra në infrastrukturën shkollore dhe përreth shkollave, siç janë ndërtimi i rrethojave të oborreve të shkollave dhe trotuareve që shpien në shkolla si dhe ndriçimin publik, me qëllim të ngritjes së sigurisë për nxënësit.  Drejtori Blakçori potencoi edhe bashkëpunimin e mirë më Policinë e Kosovës në realizimin e fushatave vetëdijësuese për nxënësit kundër dukurive negative.

Në mbledhjen e sotme u shqyrtua edhe informata për aktivitetet e KKSB gjatë vitit 2017.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-