Lajme

Gjendet i vdekur aktori i njohur i ‘O sa mirë’

Autori: Gazeta inFokus 13:08 | 24 April 2018

Një person është gjetur pa shenja jete në një veturë në rrugën Gjakovë – Goden

“Me datë 24.04.2018, në orën 07:50, stacioni policor Gjakovë, është njoftuar se në rrugën Gjakovë-Goden në vendin e quajtur Qafa e Zabelit, gjendet një veturë me një person që dyshohej të jetë i vdekur”, thuhet në njoftimin për media të Policisë së Gjakovës.

Tribuna Channel mëson se bëhet fjalë për Art Kurtin, kryetar i të rinjve në Aleancën për Ardhmërinë e Kosovës, i njohur edhe si “Gjakovari” në serialin “O sa mirë”. I ndjeri në të kaluarën po ashtu ka qenë edhe ish-kameraman i “Tribuna Media Grup”.

-Advertisement-

“Patrullat policore me të gjitha njësitë menjëherë kanë dalë në vendin e ngjarjes dhe kanë kuptuar se personi që ishte në automjet ishte pa shenja jete”. “Policia në bashkëpunim me prokurorinë Themelore në Gjakovë po hetojnë rastin”, thuhet në njoftimin e Policisë së Kosovës.

Subscribe në YouTube: GAZETA INFOKUSI