Lajme

Gjatë vitit të kaluar në Pediatri u kryen mbi 31 mijë kontrolle

Autori: Gazeta inFokus 16:10 | 13 January 2022

Shërbimi Spitalor Klinik e Universitar i Kosovës ka bërë të ditur se Klinika e Pediatrisë në Qendrën Klinike Universitare të Kosovës, vitin e kaluar ka ofruar mijëra shërbime mjekësore për pacientët, pavarësisht situatës me pandeminë COVID-19.

Sipas SHSKUK’së, në bazë të raportit të punës për vitin 2021, janë realizuar 18 mijë e 56 vizita ambulatore dhe 31 mijë e 99 vizita të pranimit-kontrolla.

“Gjatë periudhës janar-dhjetor, gjithashtu, janë bërë  856 EKG, 1 mijë e 315 EEG, 2 mijë e 257 Eho të Zemrës, 2 mijë e 574 Eho të Abdomenit, 1 mijë e 192 Eho të Trurit, 593 Eho të Mushkërive dhe 105 Eho të Gjëndrës Tiroide”, thuhet nga SHSKUK.

-Advertisement-

Sipas këtij Shërbimi, për 12 muaj janë kryer edhe 7 dializa, 49 flowsimetri, 76 punksione dhe 450 Strisho të Gjakut Periferik.

Subscribe në YouTube: GAZETA INFOKUSI
Etiketa:

Të tjera

Fokusi

lajme