Lajme

Gëzim Podgorica: Drejtësia e luftës së UÇK u konfirmua nga ndërhyrja dhe mbështetja NATO-s

Autori: Gazeta inFokus 22:00 | 27 November 2020

Ish-ambasadori dhe analisti Gëzim Podgorica i ftuar në Ora News foli në lidhje me përballjen e ish krerëve të UÇK në Hagë. Ai u shpreh se nuk mund të vihen pikëpyetje kaq serioze mbi UÇK dhe luftën e saj pasi drejtësia e luftës është konfirmuar dhe nga ndërhyrja dhe mbështetja e NATO-s dhe vendeve aleate.

Gëzim Podgorica për Ora News: Akuza mbi lidershipin politik të Kosovës normalisht që rëndon dhe mbi UÇK sepse nuk mundet dot ta shkëpusësh gjithë këtë zinxhir komandues sepse në fund të fundit ajo nuk ka qenë një çetë kaçakësh por ka qenë një ushtri e formalizuar, e organizuar dhe ka pasur mbështetjen e NATO-S. Pra nuk mundet dot që të vihen pikëpyetje kaq serioze mbi UÇK dhe luftën e saj. Nuk mund ta shkëpusësh dot gjithë këtë grup që ka drejtuar luftën nga lufta dhe nga UÇK.

Podgorica u shpreh se pavarësisht se lufta e UÇK u konfirmua që ishte një luftë çlirimtare e drejtë, kur një ushtrie i cenon lidershipin i ke cenuar shtyllën kurrizore të tij.

Gëzim Podgorica për Ora News: Nuk vihet në diskutim shteti, idealin dhe luftën nuk e komprometon por ajo që kompromentohet është një lloj kuptimi, disa veprime dhe atë integritet të lartë që kishte fituar UÇK. Sepse një ushtrie kur i cenon lidershipin i ke cenuar shtyllën kurrizore të tij. Pavarësisht se ajo u konfirmua që ishte një luftë çlirimtare e dejtë, është konfirmuar dhe nga fakti që vendet aleate dhe NATO ndërhynë në luftë dhe kanë konfirmua drejtësinë e luftës.

Të tjera