Lajme

Gërvalla takon drejtoreshën e Lartë për Evropën, biseduan për situatën aktuale të sigurisë në Kosovë dhe rajon

Autori: Gazeta inFokus 13:36 | 25 October 2023

Ministrja e Punëve të Jashtme dhe Diasporës, Donika Gërvalla ka treguar se ka takuar drejtoreshën e Lartë për Evropën Amanda Sloat, me të cilën ka biseduar për situatën aktuale në Kosovë dhe rajon.

Gërvalla përmes një postimi në rrjetin social X ka thënë se Serbia është përgjegjëse për agresionin e saj në veri të Kosovës.

“Takimi i mirë me Amanda Sloat, Asistente Speciale e Presidentit dhe drejtoreshë e lartë për Evropën në NSC. Diskutuan situatën aktuale të sigurisë në Kosovë dhe rajon, duke theksuar rëndësinë e mbajtjes së Serbisë përgjegjëse për agresionin e saj”, ka shkruar Gërvalla në X.

-Advertisement-

Gjithashtu, Gërvalla tha se u trajtua nevoja urgjente për forcimin e aftësive vetëmbrojtëse të Kosovës, si dhe kërkoi mbështetje për anëtarësimin në NATO.

“Mirënjohës për njohuritë dhe mbështetjen e palëkundur të ShBA-së, për Kosovën”, tha ndër të tjera Gërvalla.

Good meeting with Amanda Sloat, Special Assistant to the President and Senior Director for Europe at NSC. Discussed the current security situation in Kosova & the region, emphasizing the importance of holding Serbia accountable for its aggression. pic.twitter.com/osylaq9Ocz

— Donika Gërvalla-Schwarz (@gervallaschwarz) October 25, 2023