Lajme

Gërvalla takohet me ministrin e Malajzisë, diskutojnë për bashkëpunim në arsim

Autori: Gazeta inFokus 09:58 | 02 March 2024

Ministrja e Jashtme, Donika Gërvalla mbajti takim me ministrin e Arsimit të Lartë të Malajzisë, Zambry Bin Abdul Kadir në Turqi.

Ajo tha se bashkëpunimi në fushën e arsimit, shkencës dhe digjitalizimit, ishin temat kryesore të diskutimit mes të dyja palëve.

“Thellimi i marrëdhënieve mes dy shteteve, bashkëpunimi në fushën e arsimit, shkencës dhe digjitalizimit, ishin temat kryesore të diskutimit në takimin që pata me Ministrin e Arsimit të Lartë të Malajzisë, z. Zambry Bin Abdul Kadir”, shkroi Gërvalla në Facebook.

-Advertisement-

Më tutje, Gërvalla bëri me dije se njoftoi ministrin malajzez rreth progresit të arritur dhe potencialin e madh në fushën e arsimit, avancimin e të rinjve në fushat e IT-së, inovacionit dhe teknologjisë, zhvillim ekonomik si dhe proceset integruese nëpër të cilat po kalon Kosova.

“Gjatë këtij takimi të mbajtur në margjinat e “Antalya Diplomacy Forum”, e njoftova ministrin nga Malajzia rreth progresit të arritur dhe potencialin e madh në fushën e arsimit, avancimin e të rinjve në fushat e IT-së, inovacionit dhe teknologjisë, zhvillim ekonomik si dhe proceset integruese nëpër të cilat po kalon Republika e Kosovës”.

Subscribe në YouTube: GAZETA INFOKUSI