Lajme

Gërvalla: Në ShBA kemi mbështetjen e të dy kampeve, miqësia me ta forcohet me vepra

Autori: Gazeta inFokus 16:34 | 04 November 2024

Ministrja e Punëve të Jashtme dhe Diasporës, Donika Gërvalla është pyetur për zgjedhjet presidenciale në Shtetet e Bashkuara të Amerikës.

Gërvalla ka thënë se Kosova e ka mbështetjen e të dyja kampeve dhe nuk sheh sinjal që diçka e tillë mund të ndryshojë.

“Nesër zgjedhjet që mbahen në Shtetet e Bashkuara të Amerikës, qytetarët do të vendosin se cili do të jetë presidenti apo presidentja e tyre e ardhshme. Edhe neve si Kosovë që përbën popullin më pro-amerikan në botë, edhe një vend për të cilin Shtetet e Bashkuara gjithmonë kanë qenë të rëndësishme para, gjatë dhe sidomos pas luftës në çështje të zhvillimit, pavarësisë por edhe të forcimit të rolit të Kosovës në skenën ndërkombëtare, jemi me fat që në ShBA kemi pasur vazhdimisht mbështetjen e të dy kampeve, edhe të kampit republikan edhe të atij demokrat dhe nuk shoh asnjë sinjal që diçka e tillë të ketë ndryshuar gjatë rrugës”, tha Gërvalla në konferencën për media që e pati me homologun nga Luksemburgu, Xavier Bettel.

-Advertisement-

Ajo shtoi se miqësia me ShBA-në përforcohet me vepra e jo me fjalë.

“Prandaj duke kryer detyrat e shtëpisë në Kosovë, duke i çuar përpara reformat, agjendën e reformave, duke vendosur sundmin e ligjit në çdo cep të Kosovës, duke luftuar krimin e organizuar, atëherë miqësia dhe partneriteti me Amerikën kështu forcohet. Nuk forcohet me fjalë e deklarata por me punë konkrete“, shtoi kryediplomatja.

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

lajme