Lajme

Gërvalla në Forumin e Frankofonisë, po lobon te disa shtete afrikane që ta njohin Kosovën

Autori: Gazeta inFokus 18:08 | 04 November 2023

Ministrja e Punëve të Jashtme, Donika Gërvalla është duke qëndruar në Kamerun për të marr pjesë në Forumin e Frankofonisë.

Në  njoftim thuhet se Gërvalla është duke e shfrytëzuar mundësinë e takimit me përfaqësues të shteteve anëtare të Frankofonisë nga Afrika që nuk e kanë njohur Kosovën.

Ajo është duke lobuar që këto shtete ta njohin Kosovën.

-Advertisement-

“Me ftesë të Organizatës Ndërkombëtare të Frankofonisë, Zëvendëskryeministrja dhe Ministrja e Punëve të Jashtme dhe Diasporës së Republikës së Kosovës, Donika Gërvalla po merr pjesë në Konferencën Ministrore të Frankofonisë, e cila si temë qendrore ka “Qeverisja e mirë: Garancia e stabilitetit politik, ekonomik dhe kulturor për qytetarët frankofonë”.

Republika e Kosovës është anëtare e asociuar e Organizatës Ndërkombëtare të Frankofonisë dhe statusin e vet synon ta avancojë në anëtar me të drejta të plota në Samitin e ardhshëm të kësaj Organizate që do të mbahet vitin e ardhshëm në Francë.

Në margjinat e kësaj konference dyditore, Ministrja Gërvalla po shfrytëzon mundësinë e takimeve me shumë përfaqësues të shteteve anëtare Frankofone nga Afrika dhe jo vetëm, kryesisht shtete që ende nuk e kanë njohur Republikën e Kosovës, me qëllim lëvizjen e tyre në drejtim të njohjes sa më parë të Republikës së Kosovës”, thuhet në njoftim.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy