Gërvalla flet për mediumin estonez: Asociacioni ka vdekur
Autori: Gazeta inFokus 13:02 | 24 January 2023
Ministrja e Punëve të Jashtme të Kosovës, Donika Gërvalla ka deklaruar se përgjatë disa muajve, Serbia e ka kërcënuar vazhdimisht Kosovën me luftë.
Sipas saj, këtë e ka bërë edhe në lidhje me targat e automjeteve.
“Jam e sigurt që keni lexuar se si mund të fillojnë luftërat dhe jam e sigurt që nuk keni dëgjuar kurrë që një luftë mund të fillojë për targat. Por në të vërtetë nuk ka të bëjë me targat, por me mënyrën se si Serbia vepron në rajon. Ata marrin një çështje të vogël artificiale dhe e bëjnë aq të madhe sa përfundojnë duke folur për luftë dhe paqe”,tha Gërvalla për mediumin estonez ERR.
Tutje ajo tha se në anën tjetër, institucionet e Kosovës janë shumë stabile dhe se janë nën mbrojtjen ndërkombëtare dhe se të pranishëm vazhdojnë të jenë trupat e KFOR-it.
“Në këtë mënyrë, të gjithë në Beograd e dinë se nuk është ide mirë të na kërcënojnë me luftë. Por kjo disi është e lidhur me politikën e brendshme të Serbisë, të presidentit serb, Vuçiq që dëshiron ë tregohet si dikush që do të veprojë me forcë kundër komunitetit ndërkombëtar”,tha ajo.
Tutje ministrja Gërvalla është pyetur në lidhje me mundësinë e arritjes së një marrëveshje brenda këtij viti në mes Kosovës dhe Serbisë, për normalizimin e marrëdhënieve.
Sipas saj, dialogu i nisur me Serbinë që nga viti 2011 ka sjellur edhe rezultate të vogla, por sipas saj është pikërisht dialogu që çon në normalizimin e marrëdhënieve dy palëshe.
“Së pari duhet njohje reciproke. Duhet të njohësh palën tjetër, sovranitetin dhe integritetin e saj dhe të fillosh të sillesh normalisht në bazë të kësaj. Është normale të sillesh si fqinj i mirë, të mos kërcënosh fqinjët me luftë. Është e mundur, besoj”,theksoi Gërvalla.
Ajo po ashtu tha se gjatë dy viteve në qeverisje janë përpjekur të sjellin dinamikë të re në dialogu dhe se janë përpjekur të tregojnë se zgjidhjet janë të mundshme.
“Bashkimi Evropian na ka premtuar që nga gushti i kaluar se do të kemi marrëveshje mujore në kuadër të këtij dialogu. Jam e shqetësuar që kjo nuk ka ndodhur. Jemi takuar një herë në dhjetor, për të diskutuar për numrat e makinave, por jo për marrëveshjen. Është e nevojshme që të arrihet normalizimi i marrëdhënieve, bëhet fjalë për njohje reciproke dhe mund të ndodhë. Por dialogu kërkon dy palë të interesuara dhe për momentin ndjej se Serbia nuk është shumë e përkushtuar ndaj tij. Varet nga ne të dy, por para se gjithash se sa seriozisht e merr Serbia procesin e dialogut”,shtoi ajo.
Gërvalla tha se një dialog i suksesshëm nuk mund të zhvillohet nëse fqinji ynë na kërcënon që të sjell ushtrinë në kufirin tonë.
Ministrja Gërvalla është pyetur po ashtu edhe për mundësinë e Asociacionit të komunave me shumicë serbe.
“Ata flasin për marrëveshjen e vitit 2015. Ka një dispozitë që është dashur të hyjë në fuqi vetëm nëse e miraton Gjykata jonë Kushtetuese. Por gjykata jonë kushtetuese konstatoi se kjo marrëveshje shkel 23 nene të Kushtetutës sonë. Nuk është e mundur të gjesh një qeveri në një botë demokratike, ose nuk duhet të jetë në gjendje të gjesh një qeveri të gatshme të zbatojë diçka që shkel kushtetutën e saj”,tha Gërvalla.
Ajo gjithash theksoi se Kushtetuta jonë është shumë e re dhe moderne dhe se ajo u krijua nga ish-presidenti finlandez, Marti Ahtisari, e që përfshin të drejtat e pakicave.
“Unë do të vë bast se kjo është Kushtetuta që aktualisht mbron më së miri pakicat në Evropë.Nëse Serbia dëshiron të flasë për të drejtat e pakicave, ne jemi të gatshëm të flasim përsëri për këtë, por nuk mund të flasim për këtë në mënyrë të njëanshme. Sepse të njëjtën mënyrë ka një pakicë të shqiptarëve në Serbi. Për ne nuk është problem t’u japim serbëve të njëjtat të drejta siç u jep Serbia minoriteteve të saj. Ne aktualisht garantojmë të drejta më të mëdha për pakicat se kushdo tjetër në rajonin tonë. Ne e dimë që negociatat e Brukselit përballen me shumë sfida, por jemi të bindur se delegacioni ynë do të arrijë rezultate të mira nëse Serbia vërtet fillon t’i marrë gjërat seriozisht”,theksoi ajo.
Ministrja Gërvalla tha se propozimi për Asociacionin e komunave me shumicë serbe ka vdekur.
“Ju po flisni dy gjëra të ndryshme. Beogradi vërtet flet për këtë shoqatë, por ky propozim ka vdekur dhe nuk mund të ringjallet. Gjykata Kushtetuese vendosi që kjo të mos ndodhte”.
Të tjera
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...
-
Abdixhiku organizon tubime përkrahëse për eurodeputetët mbështetës të Kosovës
Kryetari i Lidhjes Demokratike të Kosovës, Lumir Abdixhiku, ka njoftuar se kë...
-
Osmani takohet me ambasadorin francez, u diskutuan mbajtja peng e kosovarëve dhe arrestimet e policëve në zonat kufitare
Presidentja Vjosa Osmani priti në takim Ambasadorin e Francës në Kosovë, Oliv...
-
DASH thirrje autoriteteve serbe për transparencë: Arrestimi i policëve të Kosovës përshkallëzon situatën
Nga orët e para të së mërkurës, mbi 300 qytetarë të Kosovës ishin bllokuar në...
-
Mbledhja e Qeverisë, këto janë vendimet që u morën sot
Qeveria e Kosovës ka mbajtur sot mbledhjen e 200’të, ku ka miratuar disa proj...
-
Policia serbe arreston një kosovar me pretendimet se ka kryer krime lu fte
Policia serbe ka arrestuar sot një kosovar me pretendimet se i njëjti ka krye...
-
Çështja e dinarit: Besnik Bilslimi flet pas takimit tre palësh në Bruksel
Ka përfunduar pa ndonjë marrëveshje të enjten edhe rundi i ri dhe i katërt në...
-
Mbledhja e Qeverisë, këto janë vendimet që u morën
Qeveria e Kosovës ka mbajtur sot mbledhjen e 200’të, ku ka miratuar disa proj...
-
Hovenier kërkon lirimin e zëvendësdrejtorit të Policisë së Kosovës
Ambasadori amerikan në Prishtinë, Jeff Hovenier, kërkoi që autoritetet serbe ...
-
Kjo është deklarata e plotë në Polici e gruas së Akil Gjakovës: “Kam fotografi të dhúnës së ushtruar ndaj meje” (Dokumente)
Në një deklaratë të dhënë më 13 prill në stacionin e policisë në Pejë, S.Gj e...
-
Serbia dënon Shqiprim Arifin me rreth 500 euro pse vendosi flamurin kombëtar për 28 Nëntor
Kryetari i Komunës së Preshevës, Shqipërim Arifi, është dënuar me 55.000 dina...