Rozë

Genc Prelvukaj feston njëvjetorin e kompanisë për organizimin e dasmave (Foto)

Autori: Gazeta inFokus 16:41 | 27 Tetor 2017

Genc Prelvukaj kohët e fundit ka qenë i përfolur rreth jetës private.

Këngëtari shqiptar është raportuar se është në lidhje me Eni Koçin, megjithëse ende nuk është konfirmuar lidhja e tyre.

-Advertisement-

Pos kompanisë muzikore “Blackfish Entertainment”, Genci ka edhe një biznes të ri për të cilën deri më tani nuk e kemi ditur.

Në fakt, bëhet fjalë për kompaninë për xhirimin dhe fotografimin profesional të dasmave dhe eventeve tjera familjare “Kunora”.

Ai me këtë rast përmes llogarisë personale në Instagram ka falënderuar të gjithë bashkëpunëtorët dhe çiftet me të cilët ka punuar kompania e tij.

“Po bëhen një vit që kemi krijuar kompaninë për xhirimin dhe fotografimin profesional te dasmave dhe eventeve tjera familjare “Kunora”. Gjatë këtij viti kemi pasur nderin të punojmë me shumë çifte dhe familje që ju urojmë çdo të mirë. Kunora është nëndege e Black Fish Entertainment, e licencuar me aktivitet te rregullt dhe e pajisur me punëtorë të disiplinuar, profesioniste sikurse edhe me tekniken/pajisjet më të mira që ekzistojnë. Ne garantojmë që momentet e ditës tuaj më të lumtur ti xhirojmë në mënyrën më të mirë që mos ti harroni më kurrë”, ka shkruar në Instagram, Prelvukaj.

Ndryshe, këngëtari është duke punuar në projekte të reja muzikore, të cilat do t’i publikon gjatë muajve të ardhshme.