Lajme

Gecaj: Nuk duhet të lejohet manipulimi me vendet e komuniteteve tjera në Kuvend

Autori: Gazeta inFokus 14:04 | 22 February 2021

Zyrtari i Lidhjes Demokratike të Kosovës,  Bajram Gecaj, ka thënë se nuk duhet të lejohet asnjë manipulim në lidhje me vendet të cilat u takojnë komuniteteve të tjera, shkruan Gazeta Infokus.

Gecaj ka deklaruar se nëse lejohet një gjë e tillë do të ketë pasoja edhe në vitet e ardhshme.

“Kushtetuta e Republikës së Kosovës është e qartë si kristali se vendet e garantuara u takojnë komuniteteve respektive. Nëse e lejojmë abuzimin me ato vende do ta hapim mundësinë për manipulime të mëtejshme në vitet pasuese.”, ka shkruar ai.

Gjithashtu Gecaj ka thënë se në raste të tilla do të duhej të ndërhynte komuniteti shqiptar

“Për shembull, komuniteti shqiptar, si më i madhi në vend, do të mund të ndërhynte në vendet e garantuara të të gjitha komuniteteve, përfshire ato të komunitetit serb”, ka shkruar ai./Gazeta Infokus/

Të tjera