Gazetari tregon në polici si u rrëmbye dhe si u trajtua nga rrëmbyesit
Autori: Gazeta inFokus 09:19 | 16 June 2018
Gazetari serb Stefan Cvetkoviq, zhdukja e të cilit ishte raportuar në natën në mes të mërkurës dhe të enjtes, deklaroi të premten në ambientet e Drejtorisë së Policisë së Kriminalistikës të MUP-it serb se ishte rrëmbyer nga persona të panjohur, fytyrat e të cilëve ai nuk kishte parë.
Gazetari serb, i cili po hetonte vrasjen e politikanit Oliver Ivanoviq, në veri të Mitrovicës, ka thënë se rrëmbyesit e kishin kërcënuar, por nuk e kishin rrahur.
Siç shkruan gazeta serbe “Novosti”, është interesante se Cvetkoviq u gjet në rrugë kur ai kishte dalë nga një shtëpi, jo larg shtëpisë së tij në Bela Crkva.
“Ai ka deklaruar se e kishin nxjerr nga vetura e tij persona të paidentifikuar ‘të maskuar’ dhe se ndaj tij nuk ishin të ashpër. Nuk e kanë rrahur, as nuk e kanë lënë të uritur. Analiza e gjurmës në orën e tij të dorës, e gjetur pranë automjetit të braktisur, nuk tregoi ADN-në e një personi tjetër. As në veturën e tij, sipas rezultateve të analizës së deritashme, nuk ka gjurmë të dyshimta”, tregon një burim nga hetimet e rastit, përcjell Telegrafi.
Sipas informatave operative, Cvetkoviq ishte në Prishtinë rreth dhjetë ditë më parë në shoqërinë e një biznesmeni të njohur nga Serbia lindore. Me të, para zhdukjes misterioze, ai komunikonte qoftë drejtpërdrejt, qoftë përmes mesazheve. Kishte bisedime të caktuara me një numër telefonit të lokalizuar në Prishtinë dhe janë regjistruar biseda me persona të panjohur nga Maqedonia.
Prej momentit të raportimit të zhdukjes së tij, të gjithë telefonat e Cvetkoviq u shuan, kurse ai i ka disa. Gjatë aktiviteteve operative, u zbuluan se ai ka mbajtur kontakte me disa njerëz, duke i informuar se ai ishte gjallë dhe mirë, dhe se asgjë nuk i kishte ndodhur, shkruan gazeta.
Makina bosh ishte shenjë që të fillonte kërkimi
“Ai thotë se ishte kërcënuar për shkak të njohurive që ka bërë publike në lidhje me vrasjen e Oliver Ivanoviqit, dhe se është rrëmbyer nga njerëz të cilët janë të përfshirë në këtë krim. Sipas tij, plani ishte ta transferonin në Rumani. Dëshmia e tij është plot me ‘vrima’, por të gjitha jemi duke i verifikuar”, tha burimi nga hetuesia.
Policia, në bashkëpunim me BIA-n (Shërbimin Informativ Serb), po përpiqet të rekonstruojë të gjithë rastin, dhe të gjithë aktorët. Veçanërisht janë interesantë ata që kanë sajuar tërë këtë plan me zhdukjen e Cvetkoviqit. Nëse biznesmeni i përmendur është i përfshirë në të gjithë këtë dhe çfarë roli ka, opinioni së shpejti do të informohet, përcjell Telegrafi.
Prindërit e Cvetkoviqit, pasi mësuan se djali i tyre u gjet i gjallë pranë shtëpisë, nuk ishin shumë të disponuar për të folur me gazetarët. Ata përsëritën shkurtimisht se nuk dinin se ku kishte qenë djali i tyre 30 orët e mëparshme. Siç thonë, ata nuk kishin njohuri me punën e tij profesionale, sepse nuk u kishte thënë asgjë.
Një mik i ngushtë i Cvetkoviqit, i cili një ditë më parë dha një deklaratë në polici për zhdukjen e tij, zbuloi për gazetën se dhjetë ditë më parë, kur Stefani ishte kthyer nga Kosova, atij Stefanit një zyrtar policor i kishte ofruar mbrojtje 24 orëshe, edhe pse ai nuk kishte raportuar se dikush e kishte kërcënuar.
“Natyrisht se ata e dinë që Stefani është në rrezik, kështu duan ta mbrojnë. Ai nuk pranoi, sepse nuk donte t’ia kufizonin lëvizjen e tij. Me sa di unë, ai nuk ndjehej i kërcënuar”, ka thënë shoku i Cvetkoviqit, derisa ende nuk dihej për fatin e gazetarit të zhdukur.
Gazetari Stefan Cvetkoviq, i cili po hetonte vrasjen e politikanit serb nga Kosova, Oliver Ivanoviq, u zhduk në natën mes të mërkurës dhe të enjtes në qytetin e tij, Bela Crkva të Serbisë.
Të tjera
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...
-
Nju Jork, mbyllet dita e tretë e dëshmive në gjyqin penal ndaj Trump
David Pecker, ish botues i tabloidit ‘National Enquirer’, dëshmoi të enjten n...
-
Sot mbahet ceremonia përmbyllëse e garës ndërkombëtare “Ushtari më i mirë 2024”
Të premten, me datë do të 26 mbahet ceremonia përmbyllëse të garës ndërkombët...
-
Osmani merr pjesë në ceremoninë e dorëzimit të pajisjes moderne SPECT/CT/PET
Të premten e datës 26 prill nën patronatin e Presidentes së Republikës së Kos...
-
Deputeti i VV-së: Kosova do të anëtarësohet në KiE, Asociacioni s’do të bëhet në maj
Deputeti i Lëvizjes Vetëvendosje, Alban Bajrami, është shprehur i bindur se K...
-
Sot Dita Botërore e Pronësisë Intelektuale
Sot në të gjithë botën shënohet Dita e Pronësisë Intelektuale, me aktivitete ...
-
Më shumë se gjysma e popullsisë së botës rrezikohet nga sëmundjet e përhapura nga mushkonjat, paralajmërojnë ekspertët
Më shumë se gjysma e popullsisë së botës mund të jetë në rrezik nga infektimi...
-
DASH goditi rëndë ‘strukturat ilegale serbe’ dhe Listën Serbe në Raport, shpjegojnë si “qeveria serbe i shfrytëzon për ndikim”
Serbia – qeveria e saj – vazhdon të përdorë ‘strukturat ilegale serbe’ për të...
-
Arifi: Shkarkimi im hakmarrje e Vuçiqit për suksesin e Kosovës në KiE
Shqiprim Arifi, ish-kryetar i Preshevës ka thënë se shkarkimi i tij është hak...
-
Sot mblidhen katër komisione parlamentare
Në Kuvendin e Kosovës sot do të mbahen mbledhjet e katër komisioneve parlamen...
-
Rashiq komenton stërvitjet ushtarake serbe
Ministri për Kthim dhe Komunitete, Nenad Rashiq, ka thënë se Serbia në krye m...