Lajme

Gazetari i Millosheviqit: Liderët e UÇK’së po tentojnë t’i shpëtojnë Speciales

Autori: Gazeta inFokus 14:14 | 17 May 2017

Kryetari i Komisionit Parlamentar për Kosovën në Qeverinë e Serbisë, Milovan Drecun, ka thënë se ish-liderët  e UÇK-së do të provojnë të kenë pozita udhëheqëse në të gjitha funksionet ekzekutive në mënyrë që të mbrohen nga Gjykata Speciale, kjo sipas tij do ta vë në siklet Gjykatën në pozite delikate duke mos mundur të ngrehin aktakuza.

Më tutje, Drecun në Radiotelevizionin e Serbisë i ka komentuar edhe deklarimet e ambasadorëve perëndimorë në Këshillin e Sigurimit të OKB-së. Ai ka thënë se deklaratat e tyre paraqesin nisjen e fushatës për tërheqjen e UNMIK-ut nga Kosova.

“Ky është tentim që problemi i Kosmetit të hiqet nga OKB, dhe që ai problem, siç ka thënë ambasadori i Britanisë së Madhe, Matthew Rycroft, të spostohet në Bruksel. Do të kemi fushatë të fuqishme dhe presione që Kosova deri në fund të vitit të bëhet anëtare e UNESCO-s”, ka thënë Drecun./Insajderi.com

-Advertisement-

Subscribe në YouTube: GAZETA INFOKUSI
Etiketa:

Të tjera

Fokusi

lajme