Lajme

Gazetari i ekonomisë e demanton qeverinë për Trustin: Për 3 muaj rreth 100 mijë llogari aktive më pak

Autori: Gazeta inFokus 19:36 | 18 June 2023

Gazetar i ekonomisë, Lavdim Hamidi, ka demantuar qeverinë, konkretisht ministrin e Financave Hekuran Murati, për rritje të llogarive aktive në Trustin e Kursimeve Pensionale.

Sipas tij, në Trust për 3 muaj janë rreth 100 mijë llogari aktive ka më pak.

“Lexoni popull, me fakte! Ky raport i Trustit të Kursimeve Pensionale të Kosovës e demanton ministrin e zero % investimeve kapitale ( Hekuran Muratin). Sipas Trustores për 3 mujorin e parë të këtij viti, llogari aktive në Trust janë 331,226, krahas 428,891 sa kanë qenë në tremujorin e fundit të vitit 2022. Pra, rreth 100 mije aktive më pak për 3 muaj”, ka shkruar Hamidi në Facebook.

-Advertisement-

Sipas tij, kjo është alarmante se çka po ndodh me ekonominë e Kosovës gjatë mandatit të kësaj qeverie.

“Ai po flet se si numri i llogarive të përgjithshme në trust është rritur për rreth 8000. Sa për informacion në Kosovë mund të jenë rreth 200 mijë biznese të regjistruara, mirëpo as gjysma e tyre nuk është aktive. Dhe këta të fundit duhet shikuar për statistika të sakta, jo për statistika të manipuluara qysh po ndodhë vazhdimisht! Turp!”, ka përfunduar ai.