Lajme

Gazetari Hamidi pas raportimeve të Infokusit: Ky skandal do të thellohet, GEN mori 4.2 milionë euro për import të energjisë

Autori: Islam Morina 00:24 | 23 April 2022

Pas raportimeve të Gazetës Infokus, lidhur me skandalin e tregtimit me energji elektrike mes kompanisë serbe DEN dhe KEK-ut, Lavdim Hamidi, kryeredaktor i portalit Front Online ka thënë se skandali i ambasadorit Berishaj vetëm sa do të thellohet, sepse ai ka marrë para nga GEN, që buxhetit të shtetit ia ka marrë 4.2 milionë euro në vetëm dy muaj.

Kujtojmë se fakti më skandaloz është ai që KEK ka importuar energji elektrike nga GEN për një çmim prej 255 euro për një megavat, kurse po të njëjtës ia ka shitur për 105 euro megavatin e energjisë.

“Ky skandal vetëm sa do të rritet, për faktin se kemi një ambasadori cili ka marrë para nga dega e GEN-it në Beograd dhe për dy muaj kjo kompani ka marrë nga Kosova 4.2 milionë euro për import të energjisë, bëhet fjalë për dhjetor dhe janar të këtij viti, edhe më keq që këto pi arsyetojnë dhe kur i sheh të gjitha këto njeriu thotë ndoshta Adem Grabovci ka qenë në një qeverisje të gabuar. Me pasë qenë pjesë e këtij koalicioni qeverisës besoj që skandali me ambasadorin kosovar në Kroaci, është më i madhi që nga paslufta dhe më i rëndi për diplomacinë tonë, goditje e madhe për imazhin.

Ky skandal vetëm se do të rritet për faktin se e kemi një ambasador i cili ka marrë para nga dega e GEN-it në Beograd që do me thanë që kjo është shumë e dëmshme edhe për imazhin e vendit. Skandali edhe më shumë po rritet pasi më herët më njoftuan kolegët nga Infokus se ata kanë siguruar dokumente se për dy muaj kjo kompani GEN ka marrë nga Kosova 4.2 milionë euro për import të energjisë, bëhet fjalë për dhjetor dhe janar të këtij viti”, ka thënë gazetari Lavdim Hamidi në ATV, duke iu referuar raportimeve të Gazetës Infokus për këtë skandal./Gazeta Infokus/

Të tjera

rel="nofollow"