Lajme

Gazetari gjerman zbulon se Kosova planifikon të aplikojë për anëtarësim në BE këtë vit, nën këtë pretekst

Autori: Gazeta inFokus 22:08 | 09 June 2022

Gazetari i mediumit gjerman ‘F.A.Z’, Michael Mertens, duke u thirrur në burime, ka zbuluar preteksin me të cilin institucionet kosovare ia mësyjnë që të aplikojnë në BE.

Mertens, në një postim në ‘Twitter’, ka thënë se, nga burime të sigurta, aplikimi i Kosovës në BE ndërlidhet me atë të Ukrainës, Gjeorgjisë e Moldavisë.

“Burime që e njohin mirë këtë çështje: Kosova planifikon të dorëzojë aplikacionin për anëtarësim në BE edhe këtë vit. Logjika duket se është kështu: Nëse Ukraina, Gjeorgjia dhe Moldavia po e bëjnë këtë, pse jo edhe Kosova?”, ka shkruar ai.

I njëjti pati raportuar paraprakisht me burime edhe për aplikimin e Kosovës në Këshillin e Evropës.

Për aplikimin e Kosovës në BE ka folur edhe vetë kryeministri i Kosovës, Albin Kurti, përpara dy muajsh.

“Ne do të aplikojmë këtë vit për t’u bërë anëtare e Bashkimit Europian. Do të ishte shumë mirë që Kosova të pranohet në Këshillin e Evropës dhe në programin e partneritetit për paqe të NATO-s”, pati deklaruar Kurti në një intervistë.

Formë skepticizmi për aplikimin e Kosovës në BE është shprehur në raportin e Parlamentit Evropian për Kosovën, duke thënë se nuk ka formë të përshpejtuar për në unionin europian shkruan lajmi.net.

“Por, nënvizojmë faktin se nuk ekziston një procedurë e shpejtë dhe se normalizimi i raporteve me Serbinë është i domosdoshëm për avancimin e Kosovës në rrugën e saj evropiane”, thuhet në tekstin e draftit të raportit, për të cilin do të diskutohet të enjten në seancën e Komisionit për politikë të jashtme të Parlamentit Evropian.

Kosova ka aplikuar në Këshillin e Evropës në gjysmën e muajit maj, teksa shqyrtimi i këtij aplikacioni pritet të bëhet më 2023-ën.

Të tjera

Fokusi

lajme