Lajme

Gazetari gjerman ironizon me Jeremiqin, publikon foton e Dresdenit të shkatërruar: Beogradi më 1999

Autori: Gazeta inFokus 14:03 | 25 March 2023

Gazetari i FAZ, Michael Martens, ka ironizuar me ish-ministrin e Jashtëm serb, Vuk Jeremiq, i cili propagandoi për intervenimin e NATO-s, duke përdorur fotografi të rreme. Duke synuar të tregonte se si “u shkatërrua Beogradi” nga NATO, Jeremiq ka përdorur një foto të bombardimeve në Irak.

Gazetari gjerman ka publikuar një fotografi të Dresdenit, qytet gjerman, të shkatërruar nga Lufta e Dytë Botërore, duke thënë me ironi se është pamja e Beogradit pas intervenimit të NATO-s, raporton Gazeta Express.

“Pasi ish-ministrit të Jashtëm Vuk Jeremiq e nisi, do të doja gjithashtu të ndaja një foto të Beogradit pas bombardimeve të NATO-s në vitin 1999”, shkruan Martens në Twitter.

-Advertisement-

Ai vazhdon ironinë edhe për arsyen se pse NATO’s iu desh të bombardonte një qytet.

“Ajo që është më tronditëse: Kjo erdhi krejt papritmas. Asgjë nuk kishte ndodhur më parë. Një ditë, NATO sapo u zgjua dhe vendosi të bombardonte. Pse NATO?”.

Nën këtë postim të Martens, erdhi edhe reagimi i Jeremiqit, i cili arsyetohet se “s’ka dashur” ta publikojë atë foto.

“Pa dashje postova një foto të gabuar, për të cilën e pranova [gabimin] menjëherë. Por unë i qëndroj tekstit në temë. Mbështetja e vitit 2008 në përpjekjen për t’i hequr territorin një demokracie sugjeron se agresioni i NATO-s i vitit 1999 nuk ishte i drejtuar kundër regjimit, siç pretendojnë disa”, tha Jeremiq.

Propaganda e përdorur nga Jeremiq s’i ka ikur as historianit Florian Bieber.

Bieber menjëherë i ka reaguar me ironi duke i thënë se në fotografinë që ka publikuar “Beogradi duket si Bagdadi”.

Edhe pas këtij komenti të Bieber, ka reaguar Jeremiq duke u arsyetuar se është një “gabim i paqëllimshëm”, ndërkohë ka shtuar se një koment të tillë “po e merr si kundërshtimin e vetëm” që ka Bieber për ato që Jeremiq ka shkruar për bombardimet e NATO-s.

Historiani Bieber s’ka qëndruar pa i reaguar përsëri, duke i thënë se ka edhe një numër të madh kundërshtimesh lidhur me atë që ka shkruar.

Subscribe në YouTube: GAZETA INFOKUSI
Black Friday në Comodita Home: Përfito 100€ extra zbritje në dyshekë
-Advertisement-

Të tjera

Fokusi

lajme