Gazetarët dëshmojnë për sulmet brenda dhe jashtë Parlamentit
Autori: Gazeta inFokus 22:45 | 29 April 2017
Me sulme fizike dhe verbale, fyerje e mallkime nga demonstrantët e iniciativës “Për Maqedoni të Përbashkët” u përballën të enjten gazetarët që ishin dëshmitarë të incidenteve në Parlament.
Ata për BIRN tregojnë krejt atë që ndodhi dhe çfarë panë derisa ishin në vend të ngjarjes.
Sipas deklaratave të tyre, është i padyshimtë përfundimi që në ndërtesën e legjislativit policia nuk reagoi gjatë kohës së aksidenteve dhe se nuk kishte kush t’i mbronte nga turma e egërsuar.
Natasha Stojanovska, gazetare e mediumit “24 Vesti” ishte dëshmitare e sulmit fizik të demonstrantëve ndaj koleges së saj Dusica Mrga.
“Gjuanin me gjithçka që mundeshin, me shufra, me këmbë kamerash, deputetët u shtynë në qosh dhe demonstrantët ishin të gatshëm që t’i mbysnin. U përpoqa të xhiroja me telefon, por ai mu mor nga demonstruesit dhe u gjuajt . Pastaj një grup i tyre u përpoq që Dusica Mrga-s t’ia marrë telefonin dhe këtu erdhi deri te kontakti fizik, atë bile edhe e goditën. Policë në atë kohë nuk kishte, një kohë të gjatë nuk kishte. Brenda ishim lënë vetëm që të përballemi me turmën”, tha Sojanovska.
Të njëjtën e konfirmon edhe Frosina Dimeska, gazetarja e Radios Evropa e Lirë, e cila gjatë incidenteve ndodhej në sallën e Parlamentit.
“Vazhdimisht na bërtisnin ‘Mos xhiro, mos u lajmëro, lëshoje kamerën, thjesht na e pamundësonin të raportonim për atë që ndodhte. Mundoheshim të largoheshim nga gjithë ajo skenë, kishte përfaqësues të sigurimit që na thoshin se janë të pafuqishëm në atë situatë… Nuk dinim nga të shkonim, nuk kishte as policë, as sigurim të na mbronte në ato momente”, tha Frosina Dimeska.
Bobi Hristov, redaktor në TV “Telma” ishte sulmuar nga një zyrtar policor që ia kishte shkatërruar mikrofonin dhe e kishte mbështetur për muri.
“Shfaqet dilema nëse masa, populli, demonstrantët, sido që u quajtën mundën të futen në Parlament, apo thjesht u lanë të hyjnë. Për mua më shokanti është fakti se personalisht u sulmova nga një pjesëtar i policisë nga sigurimi i Parlamentit, ndërsa për hir të së vërtetës u shpëtova dhe u evakuova nga njeriu që në vete kishte një shami kuq e gjelbër”, tha Hristov.
Redaktorja e “Makfaks” Santa Argirova në rrjete sociale njoftoi se një kameraman i “Makfaksit” është në spital, pasi u lëndua gjatë incidenteve.
“Kameramani i ‘Makfaks’ Nikolla është në spital. Ka tronditje në tru nga goditja. Djali ka vetëm 21 vjet dhe vetëm po kryente detyrën e tij”, shkroi Argirova.
Gazetarët njoftojnë se ishin dëshmitarë të fyerjes së gazetareve nga mediume të ndryshme, si brenda, ashtu edhe jashtë Parlamentit.
Nga Televizioni 21 thonë se katër gazetarë të ekipit të tyre janë sulmuar.
“Na thanë se jemi ‘televizion shiptar i paguar nga Soros-i’. Njëri nga demonstruesit e mori një karrige dhe më goditi duke thënë ‘edhe ti duhet të vuash, sepse je nga televizioni shiptar’”, thotë gazetarja e Televizionit 21 Iskra Opetçeska, duke shtuar se edhe tre kolegë të saj janë sulmuar.
“Raste të tilla janë dëshmi për kushtet alarmante me të cilat përballen mediet, e dhuna ndaj tyre është sulm ndaj demokracisë, e me këtë edhe krim ndaj shoqërisë. Në qoftë se autoritetet nuk ndërmarrin hapa seriozë për mbrojtjen e lirisë së shprehjes, do të vazhdojnë t’i trimërojnë ata që kanë për qëllim që më anë të dhunës t’i heshtin gazetarët dhe zërat tjerë kritikë në shoqëri”, thuhet në reagimin e Këshillit Etik të Mediumeve të Maqedonisë.
Me kritika të ashpra rreth incidenteve të së enjtes dolën edhe Sindikata e Gazetarëve dhe Punonjësve Medialë dhe Shoqata e Gazetarëve të Maqedonisë.
“Politika e etiketimit, gjuha e urrejtjes, dhuna verbale ndaj gazetarëve që kulmoi në Parlament me sulm ndaj dhjetra gazetarëve dhe punonjësve medialë është mposhtur. Është mposhtur me guximin e kolegëve që përkundër rrezikut e xhiruan tërbimin e dhunuesve dhe pasivitetin e policisë,”. thuhet në komunikatë.
Sindikata thotë se edhe policia, njësitë e ndërhyrjes së shpejtë dhe ata që i komandojnë “janë përgjegjës direktë si ata huliganë që nëpër korridoret e Parlamentit ndoqën ekipet e gazetarëve, i rrahën, i fyen, ua shkatërruan telefonat dhe pajisjet jo rastësisht, të vetëdijshëm se pikërisht xhirimi i tërbimit të tyre është dëshmi që do t’i çojë në gjyq”.
Të tjera
-
Ish-presidentja Jahjaga tregon si ia siguroi Kosovës pajisjen mjekësore 1.5 milionëshe nga Fondacioni Alwaleed
Ish-presidentja e Kosovës, Atifeta Jahjaga, ia ka siguruar QKUK-së një pa...
-
Maqedonci thotë se “Ushtari më i mirë 2024” tregon për nivelin e bashkëpunimit të FSK-së me vendet partnere
Ministri i Mbrojtjes, Ejup Maqedoni, ka dhënë komentet e tij lidhur me mbajtj...
-
Sveçla me Hoxhën dhe Hodajn, diskutojnë mbi raportet e inspektimeve të IPK-së për Policinë e Kosovës
Ministri i Punëve të Brendshme Xhelal Sveçla ka pritur sot në takim pune drej...
-
IPK-ja rekomandon suspendimin e një togeri, dyshohet se manipuloi me orët shtesë
Inspektorati Policor i Kosovës i ka rekomanduar policisë suspendimin e një to...
-
“Ka vetu, e ka bo Zoti dritë dhe e kom pa atë njeri”, thotë dëshmitarja për vr āsjen e trefishtë në Gllogjan
Dëshmitarja Nexhmije Zhuti, në seancën e shqyrtimit gjyqësor ndaj tre të akuz...
-
Musliu-Shoshi: Aleatët e Kosovës e kanë humbur besimin te Qeveria Kurti
Deputetja e Partisë Demokratike të Kosovës, Ariana Musliu-Shoshi ka folur mbi...
-
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini?
Gazetari gjerman i “Frankurter Algemeine Zeitung”, Michael Martens pas vizitë...
-
Osmani për fjalimin e Vuçiqit në KS të OKB-së: Të vërtetën tonë nuk mundet ta sulmojë e as ta mohojë askush, e as Serbia
Presidentja e Kosovës, Vjosa Osmani, është deklaruar rreth reagimit të presid...
-
56 vjeçari gjendet i vdekür në banesën e tij në Fushë Kosovë
Një 56-vjeçar është gjetur pa shenja jete në banesën e tij në rrugën “Dardani...
-
Ambasadori britanik në Beograd: Asociacioni të formohet sa më shpejt që të jetë e mundur
Ambasadori i Mbretërisë së Bashkuar në Serbi, Edward Ferguson, ka thënë të pr...
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...