Lajme

Gaxherri- Haradinajt: Jep dorëheqje nëse nuk je i zoti ta përfaqësosh Kosovën

Autori: Gazeta inFokus 14:32 | 30 July 2018

Deputetja e Kuvendit të Kosovës nga radhët e LDK-së, Besa Gaxherri i ka kërkuar kryeministrit, Haradinaj të jap dorëheqje nëse nuk është i zoti ta përfaqësoi Kosovën, shkruan gazeta inFokus.

“Haradinaj nëse nuk din dhe nuk je i zoti ta përfaqësosh Kosovën ashtu si kërkon kushtetuta dhe Kuvendi duhet të lëshosh rrugë, vendi duhet të shkoj në zgjedhje. Duhet ta kuptoni se institucionet e Kosovës nuk janë pronë e juaja që ti bartni ku do të doni dhe kur të doni”, ka thënë Gaxherri

Ajo gjithashtu tha se shqiptarët janë populli më pro evropian në Evropë por edhe sot jetojnë të izoluar

-Advertisement-

“Asnjëherë nga BE nuk iu bë me dije se dialogu është për paqe në të kundërtën qytetarët e Kosovës që janë më pro evropianët janë të vetmit që nuk kanë lëvizje të lirë”, ka thënë Gaxherri.

Ajo përmendi edhe 7 vitet e dialogut me Serbinë dhe temat që nuk u prekën asnjëherë.

“Qeveritë tona për 7 vite nuk arritën që në Bruksel të hapin tema politike e humane si gjenocidi serb i ushtruar mbi popullatën shqiptare së paku për luftën e fundit, mijëra qytetarë të zhdukur, mijëra gra e burra të dhunuar seksualisht, mijëra gra burra e fëmijë të gjymtuar”, ka thënë Gaxherri./inFokus

Subscribe në YouTube: GAZETA INFOKUSI