Lajme

Gaxherri e LDK-së: U mësuam me PDK-në, çdo herë dorëzohet në qeverisje!

Autori: Gazeta inFokus 20:16 | 06 May 2017

Partia Demokratike e Kosovës asnjëherë nuk ka qenë e aftë të vazhdojë mandatin deri në fund të qeverisjes. Kështu ka deklaruar për “Indeksonline”, deputetja e LDK-së, Besa Gaxherri. Ajo thotë se partia e Isa Mustafës është e gatshme çdo herë të shkojë në zgjedhje të parakohshme.

“PDK-ja nuk ka mujt asnjë Qeveri ta qojë deri në fund të mandatit. Çdo qeveri e ka pas kështu. Edhe atëherë kur e pati rrëzuar vetveten. Tash të shohim se çfarë do të ndodhë në këtë mandat, por ne jemi të gatshëm me shku në zgjedhje ose me vazhdu mandatin”, ka thënë Gaxherri.

Megjithatë, deputetja nga Peja tregon se LDK-ja po pretendon që të shkojë deri në fund të mandatit kushtetues, pasi, sipas saj, ky është obligimi për t’i përmbushur premtimet që janë bërë.

-Advertisement-

“LDK-ja nuk mundet as me mbajt e vetme por as me shku vet në zgjedhje. Çfarëdo që vendos shumica do të jemi të gatshëm. Por konsiderojë se duhet me pas kujdes ndaj qytetareve dhe përgjegjësive që kemi. Një qeveri nuk mundet me përmbush programin e vet në qoftë se nuk e përmbush mandatin e plotë”, është shprehur ajo.

Kurse, lidhur me mocionin e iniciuar nga Nisma për Kosovën, Gaxherri thotë se i njëjti është bërë në bazë të procedurës të cilin ia mundëson rregullorja. “Është e pritur dhe demokratike nga opozita. Deputetët e PDK-së të cilët e kanë nënshkruar është mendim i lirë i tyre. Natyrisht se PDK dhe LDK kanë marrëveshje dhe ajo nuk mundet me ndodhë pa pajtimin e tyre. Nëse do të procedohet javën e ardhshme do të jemi aty dhe do të shohim”, ka thënë ajo. /Indeksonline/

Subscribe në YouTube: GAZETA INFOKUSI