Lajme

Gashi thotë se ka ardhë koha të ndërrojnë qasje, a po paralajmëron se LDK mund të pranojë ftesën e Kurtit për koalicion

Autori: Gazeta inFokus 12:12 | 05 May 2025

Shefi i grupit parlamentar të LDK-së, Arben Gashi, ka dhënë sinjale për një ndryshim të mundshëm në qasjen politike të partisë së tij, në lidhje me situatën e krijuar pas dështimeve të njëpasnjëshme për konstituimin e Kuvendit.

“Ka ardhë koha me ndërru qasje. Ai (Kurti) ka mbjellë 20 vite helm në politikë, por unë po shpresoj që tashmë është vetëdijësuar. Edhe krejt skena politike është vetëdijësuar. Duhet me kuptu që duhet me bashkëpunu – qoftë edhe për të refuzu, qoftë edhe me shku në zgjedhje,” tha Gashi.

Ai shtoi se askush nuk do të mund të qeverisë më i vetëm: “Nuk do të mundet më askush me fitu vet. Duhet koordinim, bashkëpunim, mirësi dhe mirëkuptim.”

-Advertisement-

Deklaratat e tij vijnë në kohën kur lideri i VV-së, Albin Kurti, i ka dërguar një letër zyrtare kryetarit të LDK-së, Lumir Abdixhikut, për të diskutuar mundësinë e një marrëveshjeje politike./GazetaInfokus

Subscribe në YouTube: GAZETA INFOKUSI