Ministria e Drejtësisë sot ka njoftuar se ka pezulluar nga puna kryeinspektorin e Inspektoratit të Kosovës, Ylber Topalli, në lidhje me rastin e vdekjes së Astrit Deharit në Qendrën e Paraburgimit në Prizren më 2016.

MD-ja ka thënë se vendimin për pezullim e ka marrë në bazë të gjetjeve të Raportit të Inspektoratit të kësaj Ministrie.

E në lidhje me këtë ka reaguar avokati Tomë Gashi duke thënë se Topalli është i dyshuar se i ka marrë kamerat e sigurisë, nga burgu i Prizrenit para Policisë, dhe i njëjti i ka sjellë në MD, kur ishte ministre Dhurata Hoxha.

Sipas Gashit, Topalli nuk i ka hartuar dy raporte në lidhje me këtë rast.

“Në njërin raport që ka hartu me 14 nentor 2016 e ka quajtur rastin e Astritit vetvrasje. Po të njëjtin raport ai e mohon që është i tij edhe pse e ka vendos nënshkrimin e tij në këtë raport”, shkruan Gashi.

Ndryshe Ministria që drejtohet nga Albulena Haxhiu pretendon se Topalli ka bërë shkelje të rënda procedurale në rastin Dehari.

“Procedura disiplinore ndaj Topallit është iniciuar për pretendimet e shkeljeve të rënda procedurale që janë të ndërlidhura me rastin e ngjarjes së Astrit Dehari, që kishte ndërruar jetë në Qendrën e Paraburgimit në Prizren, më 5 nëntor 2016”, thuhet në njoftim.

Shkrimi i plotë i Tomë Gashit pa ndërhyrje:

Pezullohet nga puna Kryeinspektori

Ylber Topalli
Procedura disiplinore ndaj z. Topalli
është inicuar për pretendimet e shkeljeve të renda procedurale që janë te ndèrlidhura me rastin e vrasjes se Astrit Deharit ne Qendrën e Paraburgimit nè Prizren, më 5 nentor 2016

z. Topalli dyshohet se i ka marre kamerat e sigurise nga burgu i Prizrenti para Policise dhe i ka sjell ne Ministrin e Drejtesis ne kohen kur ministre ishte Dhurata Hoxha

Po ashtu i njejti si ka hartu dy raporte lidhur me rastin:

Ne njerin raport qe ka hartu me 14 nentor 2016 e ka quajtur rastin e Astritit vetvrasje. Po te njejtin raport ai e mohon qe eshte i tij edhe pse e ka vendos nenshkrimin e tij ne kete raport.

Me 21 nentor2016 e harton raportin e dyte te inspektimit ku thote qe Astriti ka vdeke.

Tani rastin e ka Prokuroria dhe duhet te hap hetim penal per secilin person te implikuar ne vrasjen e Astritit, ne ata qe i kan shtyte ne vrasje dhe per ata qe ne qfardo forme kan ndikuar ne fshehjen e vrasjes se aktivisitit te Levizjes VETËVENDOSJE!
Astrit Dehari.

BKS-ja kërkon nga Institucionet që sigurimi për bujqit të bëhët obligativ

Sponsoruar