Lajme

Gashi: Amerika po thotë që veriu i Kosovës i takon huliganëve të Vuçiqit

Autori: Gazeta inFokus 18:02 | 30 May 2023

Analisti Shkelzen Gashi, ka komentuar qasjen e Shteteve të Bashkuara të Amerikës lidhur me situatën e tensionuar në komunat veriore të Kosovës, shkruan Gazeta Infokus.

Përmes një postimi në Facebook, Gashi ka thënë se “Amerika po thotë që veriu i Kosovës i takon huliganëve të Aleksandar Vuçiq-it sepse për me mujtë me futë Serbinë nën kontrollin tonë, na duhet t’i japim asaj diçka – veriun e Kosovës”

Gjithashtu, ai ka thënë se duhet që t’i tregojmë SHBA-ve që veriun e Kosovës nuk ia japim Serbisë.

-Advertisement-

“Ne duhet t’i kallxojmë Amerikës që i jemi mirënjohës për ndihmën, por veriun e Kosovës nuk ia japim Sërbisë së Vuçiq-it”, ka shkruar Gashi në Facebook.

Kujtojmë se të martën ambasadori amerikan në Kosovë, Jeffrey Hovenier, ka thënë në një takim me disa gazetarë në Prishtinë, se Qeveria e Kosovës nuk është koordinuar me Shtetet e Bashkuara për veprimet e ndërmarra të premten.

Gjithashtu, ambasadori amerikan ka thënë se stërvitje në kuadër të ushtrimit ndërkombëtar “Defender Europe ’23”, nuk do të ketë për Kosovën.

“Sot nuk ka pasur aktivitet për Defender Europe ’23, dhe nuk do të ketë. Për Kosovën, ato stërvitje kanë përfunduar”./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy