Real Madridi ka njoftuar se Gareth Bale tani vuan një dëmtim të ri në këmbën e majtë.

Karriera e uellsianit është duke u shënjuar nga lëndime të vazhdueshme, siç ndodhi me lojtarë të tjerë të shquar e të dëmtuar në historinë e ekipit të bardhë.

Por, rasti i Bale është i veçantë, për çmimin e tij: 101 milionë €; dhe numri i lëndimeve që ka pësuar: 24 në pesë sezone, çka ka bërë që ai të humbasë një total prej 73 ndeshjesh. Më poshtë keni lojtarët e tjerë “kristal” (si prej xhami) të Real Madridit:

Raphaël Varane (2011-): Me Bale është një tjetër rast i skuadrës aktuale, Varane, ku lëndimet nuk lejojnë për të pasur nivelin e pritur. Momenti i tij më i keq te Real Madrid ishte operacioni i meniskut, në maj të vitit 2013 (143 ditë dhe 12 ndeshje i humbi), teksa rikthimi erdhi në nëntor të të njëjtit vit (52 ditë, 11 ndeshje). Por, ndërkohë, Varane për disa kohë nuk ishte në gjendje për të luajtur të dielë e të mërkurë, dy herë në javë, për shkak të plagëve të marra në muskuj. Mourinho dhe Ancelotti, Benitez e tani Zidane e donin francezin në fushë, pavarësisht moshës së tij (aktualisht, 24 vjeç). Me Real Madridin ka luajtur 200 ndeshje që kur nënshkroi në vitin 2011 (mesatarisht 28 ndeshje në sezon). Vetëm në sezonin 2014-2015 e ka tejkaluar numrin e 40 ndeshjeve të luajtura për Real Madridin (46).

Nuri Sahin (2011-2013): Ka luajtur me Real Madridin në izolim pothuajse të plotë. Mesfushori nuk ka mundur të jetë ai që ishte në sezonin e tij të parë te Borussia Dortmund dhe padyshim ka përjetuar momentin më të keq të karrierës së tij me “Los Blancos”. Ligamenti në gjurin e djathtë në fund të sezonit me Dortmundin shpërtheu, kur ai tashmë kishte nënshkruar me Real Madridin. Filloi eksperimenti i hidhur. Pastaj erdhën shumë probleme të tjera, që rezultojnë nga lëndimi serioz dhe procesi kompleks i rimëkëmbjes. Ai u huazua te Liverpool dhe më pas u bashkua me Borussia Dortmund, ku ka arritur nivelin që e lejoi atë për t’u bashkuar me Real Madridin (10 ndeshje në dy sezone).

Kaka (2009-2013): Eshtë situatë e ngjashme me atë të rastit “Gareth Bale”, me kosto (65 milionë €). Ai luajti 4 sezone me Real Madridin, duke regjistruar 85 ndeshje (23 gola / 23 asistime). Por ai kurrë nuk ishte Kaka i madh i Milanit (“Golden Ball”), sepse lëndimet nuk e lejuan. Kur nënshkroi me Real Madridin kishte një lëndim në ijë. Gjithashtu, në vitin 2010, Kaka theu meniskun gjatë Kupës së Botës, kundër Bregut të Fildishtë, por u detyrua të luajë ndaj Kilit dhe Holandës, duke rrezikuar karrierën e tij. Pas verës u kthye te Mourinho pa u trajtuar në gju. Më në fund kreu operacionin e gjurit në gusht dhe nuk luajti për më shumë se katër muaj. Sezoni i tij më i mirë në Madrid ishte 2011-2012, kur fitoi La Liga-n dhe kontribuoi me 5 gola dhe 10 asiste. Verën e vitit 2013 u kthye, nga dera e pasme, te Milani.

Arjen Robben (2007-2009): Sot, pas karrierës së tij të suksesshme te Bayern Munich, nofka e tij “lojtari i xhamtë” tashmë duket një eksperiencë e harruar. Ai u bashkua me Real Madridin në verën e vitit 2007, në epokën e presidentit Ramón Calderón (36 milionë €) dhe gjatë verës u lëndua, çka nuk e lejoi debutimin e tij deri një muaj më vonë. Edhe pse nuk ka pasur dëmtime afatgjata në dy sezonet e tij si një lojtar i bardhë, ai nuk luajti rregullisht dhe nuk mundi të shënojë më shumë se pesë ndeshje radhazi pa pasur një dëmtim. Pas 65 ndeshjesh të luajtura, 13 golash dhe 14 asiste, Real Madridi, tashmë nën komandën e Florentino Pérez, e shiti holandezin te Bayern, ku ende vijon karrierën e tij të gjatë dhe të suksesshme.

Jonathan Woodgate (2004-2006): Fat i keq e mori me vete te Real Madridi. Kushtoi 22 milionë euro dhe nënshkroi në fazën e parë të presidencës së Florentino Pérez. Ai mbërriti në vitin 2004 së bashku me Walter Samuel, në një kohë kur ekipi i bardhë nuk mundi të gjente zëvendësues të garantuar për Fernando Hierro. Ai nënshkroi me një dëmtim të muskujve, që dukej i parëndësishëm, por që e la gjithë sezonin pa luajtur. Debutoi me Real Madridin në sezonin 2005-2006, duke shënuar një gol në portën e vet kundër Athletic dhe duke u larguar më pas. Në total ai ka luajtur 14 ndeshje në dy sezone me Real Madridin.

Robert Prosinečki (1991-1994): kostoja 1.000 milionë pesetas. Edhe pse erdhi i mbështetur nga një Kupë Europiane, ai mbahet mend në historinë e Real Madridit me pseudonimin “Lesionecki”. Një nënshkrim yjor, ai ishte lojtari më i paguar i asaj skuadre dhe luajti vetëm tri ndeshje zyrtare në sezonin e tij të parë (1991-1992), në të cilin ai ishte tashmë i stigmatizuar. Real Madrid fajësoi “Starin e Kuq”, klubin e origjinës, se lojtari ishte infiltruar shumë herë gjatë sezonit të kaluar. Në total, Prosinecki luajti vetëm 73 ndeshje në tri sezone te Real Madridi. Pas një transferimi në Oviedo, Real Madridi e shiti atë për rivalin e tij të përjetshëm, Barcelonën (1995), ku nuk pati sukses, shkruan Tele Sport.

Juan Lozano (1983-1985): Një thyerje e dyfishtë e “fibulës” shkatërroi karrierën e tij te Real Madridi. Lozano ka lindur në Coria del Río (Sevilje), më 30 gusht 1955, por familja e tij emigroi në Belgjikë, ku ishte rritur. Ai ishte pjesë Anderlecht mitologjik, që fitoi Kupën UEFA në sezonin 1982-1983. Më pas nënshkroi, në moshën 28-vjeçare, për Real Madridin, ku qëndroi vetëm dy sezone. Sipas analeve të historisë së Real Madridit, Lozano, nënshkrimi më i shtrenjtë në atë kohë, theu “fibulën” më 30 tetor 1983, pas një hyrjeje të lojtarit të Atlético Madrid, Rubio. Ai nuk luajti përsëri deri në shkurt 1984, kundër Salamanca, me fatin e keq që fibula e së njëjtës këmbë u dëmtua përsëri. Në atë sezon, 1983-1984, mundi të luajë vetëm 14 ndeshje zyrtare (4 gola). Në vijim, jo shumë më tepër: 20 ndeshje (2 gola). Megjithatë, ai mori pjesë në fitimin e La Liga-s dhe Kupës UEFA atë vit. Në sezonin pasues u largua nga Real Madridi dhe u kthye te Anderlecht belg, ku e ndjeku fat i keq: në vitin 1987 pësoi një thyerje të dyfishtë të tibisë dhe fibulës.

Laurie Cunningham (1979-1983): Ai ishte lojtari i parë i lindur në Angli, që ka luajtur për Real Madridin. Ishte një lojtar i zgjuar, të aftë dhe shumë i shpejtë. Kushtoi 127 milionë pesetas dhe erdhi nga West Bromwich Albion. Fillimet e tij ishin premtuese, por dëmtimet dhe vrasja e dy vajzave me motrën e zhytën në depresion. Këto ngjarje nuk e lejuan atë të triumfojë te Real Madridi, ku luajti vetëm 66 ndeshje zyrtare (20 gola), në katër sezone të parregullta. Pastaj shkoi nëpër klube të panumërta në Angli, Belgjikë dhe Spanjë, duke përfshirë Sporting de Gijón dhe Rayo Vallecano. Në këtë fazë të fundit përfundoi historia e tij tragjike, duke humbur jetën në një aksident trafiku më 15 korrik 1989.

Uli Stielike (1977-1985): Pavarësisht forcës së tij në këtë fushë, u stigmatizua në historinë e Real Madridit si një “lojtar kristali”, edhe pse plagët e tij të vazhdueshme kanë pasur një shpjegim, që e thotë drejtori i AS, Alfredo RELAÑO: kishte një këmbë më të gjatë se tjetrën dhe mosbalancimi shkaktoi lëndime të panumërta muskulore, derisa zbuluan shkakun. Ai nuk mundi të luante disa lojëra radhazi dhe zëvendësohej për shkak të problemeve fizike, gjithmonë duke prekur kofshën e tij. Përkundër kësaj, ai luajti për 8 sezone me Real Madridin dhe grumbulloi 308 ndeshje.