Garda e vjetër e diplomatëve amerikanë po kthehet në Ballkan
Autori: Gazeta inFokus 10:31 | 15 October 2021
Christopher Hill, një emër i mirënjohur për publikun kosovar, u emërua ambasador i Shteteve të Bashkuara në Beograd.
Ai do të zë vendin e Anthony Godfrey-t, i cili pa papërfunduar mandatin e tij, do të hiqet nga posti i ambasadorit.
Christopher Hill ishte i Dërguari i Special i ShBA-së në Kosovë gjatë viteve 1998-1999, në negociatat për Kosovën që i paraprinë Konferencës së Rambujesë.
Kjo gjë, ka shkaktuar jo pak shqetësime në publikun serb, pasi që Godfrey, ambasadori në ikje, nuk ishte kritik ndaj autoriteteve të Beogradit, ndërsa Christopher Hill, që do të zë vendin e tij, njihet për qëndrimet dhe pozicionet e tij të kamotshme ndaj Kosovës.
“Ne e njohim shumë mirë atë”, ishte komenti i parë që tha Sreçko Dukiç, ish-diplomati serb që ishte aktiv në kohën e Hill, kur u pyet se si e vlerëson emërimin e tij të ardhshëm në Beograd.
“Në diplomaci, ai është negociatior i dorës së parë”, potencoi Dukiç.
”Në atë kohë ai paraqitej si dikush shumë fleksibil, në fakt ishte shumë i ashpër dhe i çuditshëm. Por, tejet i suksesshëm”.
Dukiç në një intervistë për mediumin serb Nova.rs, pohon se Garda e Vjetër diplomatike amerikane, po kthehet.
“Joe Biden po i kthen gardianët e vjetër të diplomacisë amerikane. Christopher Hill është specialist i diplomacisë dhe ka marrë pjesë në ngjarjet më të rëndësishme në këtë gjë. Zgjedhja e tij, s’është për t’u çuditur”.
Ish-diplomati serb thotë se Hill-it, askush nuk ka nevojë t’ia mësojë terrenin.
”Atij s’i duhet ciceron. Ai terrenin e njeh shumë mirë, dhe është e logjikshme që ai do të vazhdojë aty ku e ka lënë para arrdhjes së Trump në krye të ShBA-së”.
Tema kryesore është zgjidhja e çështjes së Kosovës, thotë ai, dhe se përfshirja e të Dërguarit të Departamentit të Shtetit për Ballkanin Perëndimor, Gabriel Escobar, në dialogun midis Kosovës dhe Serbisë gjithashtu tregon se prania e SHBA në rajon po forcohet.
Hill njihet për kontributin e tij në Kosovë gjatë viteve 90-ta, për çfarë edhe ishte nderuar me Çmimin Robert C. Frasure për Negociatatat për Paqe në Kosovë.
Christopher Hill është bashkëpunëtor i afërt me Gabriel Escobar, të emëruarin Zëvendës Ndihmës Sekretar në Zyren për Çështjet Evropiane dhe Euroaziatike të Departamentit të Shtetit amerikan.
Këto ndryshime në përfaqësuesit diplomatikë në Ballkan po interpretohen si një përpjekje nga administrata e Joe Biden për të forcuar praninë amerikane në rajon dhe të përfshihen më aktivisht në zgjidhjen e marrëdhënieve Beograd-Prishtinë, për të cilën Gabriel Escobar kohëve e fundit vizitoi Brukselin, ku të dy vendet po zhvillojnë dialog të sponsorizuar nga BE.
Ndërsa Anthony Godfrey, ambasadori në largim i ShBA-së në Beograd njihej kryesisht si një njeri që s’është shumë kritikues ndaj Beogradit dhe si dikush që nuk mirret shumë me kritika ndaj gjendjes demokratike, ose temat me peshë të mëdha politike.
Të tjera
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...